Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh015a

1277, 25 août.

Type de document: charte: hommage lige

Objet: Hommage lige par Etienne de Gonsans, fils de Lambert, à Amédée [III] de Montfaucon-Montbéliard duquel il tient en fief à Scey ce que son père tenait de Richard de Scey, le four de Gonsans et tout autre four qu’il pourrait y avoir dans la ville. Amédée s’engage à ne pas prendre les hommes d’Etienne sous son pouvoir.

Auteur: Etienne de Gonsans.

Disposant: Etienne de Gonsans.

Sceau: sceaux d'Etienne de Gonsans et de Hugues de Gonsans, chanoine de Besançon.

Bénéficiaire: Amédée [III] de Montfaucon-Montbéliard.

Lieu de conservation: AEN, Recettes diverses 220 (Cartulaire Montfaucon), n° 26.

1 [J]e, Estienes de Goncens, filz çai en arriers monsseignour Lambert de Goncens, 2 fais savoir \2 a touz ces qui verront et orront ces presentes lettres 3 que je suis demorez hons liges devant \3 toutes genz a noble baron Amey de Mombeliart, seignour de Monfaucon, mon seignour, de \4 quanque on trovera ne porra trover que je tiens dou fyé de Ceys en quelque chose que \5 ce soit, dou quel fyé mossi Lambers, mes peres, estoit hons liges monssi Richart, seignour çai en arriers \6 de Ceys. 4 Et est assavoir que je ai encor repris ligement devant touz homes dou dit Amey, \7 monsseignour, tel raison come je ai, puis avoir et doi ou four de Goncens et pourrai avoir \8 et davrai ou dit four ou en autres fours qui seroient fait des or en avant en la dite \9 ville ou je auroie raison. 5 Et est assavoir que ce que l-on trovera que je tenrai dou dit fyé \10 de Ceys et la dite raison dou four que je ai repris dou dit Amey, monsseignour, est toute une \11 ligetez. 6 Et m-a promis li diz Amey, messires, que il-ne rentenra des or en avant sous \12 lui mes homes quelx que je les aie des or en avant ne porrai avoir ne devrai; et ce \13 il m-a promis a la bone foy pour lui et pour ses hoirs. 7 En tesmoignage de la quel chose je ai mis \14 mon seel en ces lettres presentes ensemble le seel sire Hugue de Goncens, mon frere, chenoine \15 de Besençon, le quel je ai requis estre mis ensemble le mien pour plus grant certaineté. 8 \16 Et ces lettres furent faites et donees lendemayn de la Saint Bartholomei apostre, en l-an de \17 Nostre Seignour mil .CC.LXXVII. anz.