Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Lorraine Fuhrer

chNCh008b

1266 (n. st.), 4 janvier.

Type de document: charte: reconnaissance de fief

Objet: Reconnaissance par Jean de Vercel et Amédée [III] de Montfaucon-Montbéliard, de tout ce que Jean reprend et tient ligement en fief d’Amédée, avec le consentement de Mahaut de Sarrebrück, sa femme, à savoir: le marché de Vercel où qu’il se tienne, les droits sur les ventes du dit marché, ainsi que la redevance annuelle sur le sel, à l’exception de la justice de corps afférente au marché et du fief tenu d’Amédée par Humbelin de Pierrefontaine. En échange, Jean doit assurer la garde de Vercel quarante jours par an.

Auteur: Guillaume II de la Tour.

Disposant: Jean de Vercel.

Sceau: sceaux de Guillaume II de la Tour et de Jean, abbé de Saint-Paul de Besançon.

Bénéficiaire: Amédée [III] de Montfaucon-Montbéliard.

Autres Acteurs: Mahaut de Sarrebruck et Humbelin de Pierrefontaine.

Support: Parchemin jadis scellé de deux sceaux sur double queue; il subsiste celui de Jean, abbé de Saint-Paul de Besançon.

Lieu de conservation: AEN, Z3, n°10

1 Nos, Willaumes, par la grace de Deu arcevesques de Besançon, 2 faisons savoir a toz ces qui verront ces presantes letres 3 que, \2 an nostre presance establi, nobles bers Ameys de Montbeliart, sires de Montfaucon, d-une part et Jehanz de \3 Verceaus, chevaliers d-autre part ont reconeu an droit par devant nos 4 que cil Jehanz devant diz est homs liges dou \4 devant dit Amey devant toz homes, 5 et a repris et tient dou devant dit Amey ligemant quant que il a et \5 aura an moble et an heritage et quant que il conquerra, an quelque leu que ce soit. 6 Et a reconeu an droit li diz \6 Ameys que il a doné an fié et an chasemant au devant dit Jehan tot le marchié de Verceaus et totes les vantes \7 dou dit marchié de Verceaus; 7 et li diz Jehanz tient ligemant totes ces choses dou devant dit Amey. 8 Et il li \8 a ancor doné an fié et an chasemant, an acraissance de l-autre fié, au devant dit Jehan a luy et a ses hoirs, \9 permagnablemant, tot le droit et tote la raison que il a et pooit et devoit avoir ou devant dit marchié de \10 Verceaus et \11 an rante de sel, an quelque maniere que ce fust, sanz riens retenir, sauve la justise de cors d-ome, s-ele s-i afferoit, et \12 sau le fié que Hombelins de Pierrefontaine tient dou-dit Amey. 9 Et totes ces choses desus dites li a doné et otroié li diz Ameys \13 an quelque leu que li diz marchiez de Verceaus fust, se il par avanture estoit remuez, sauve tote voie la dite justise de cors d-ome, \14 s-ele s-i afferoit, et le fié Hombelin desus nommé. 10 Et li diz Jehanz ou suy hoir qui ce fié desus dit tanront an doivent au de\15vant dit Amey et a ses hoirs la garde a Verceaus chascun an quarante jors. 11 Et ce a fait et otroié li diz Ameys par le \16 los et par l-otroi de la noble dame Mahaut, sa fame, la quele l-a loé et otroiey de sa propre volunté et par le coman\17demant son segnor. Et l-a fiancié et promis a tenir et a garder, par sa foi donee corporelmant, que ele n-ira ancontre ces covenances \18 par ly ne par autruy. 12 An tesmognage de la quel chose, a la proiere et a la requeste des dites parties, nos, \19 arcevesques devant diz, avons mis nostre seel an ces presantes letres avec le seel Jehan, abbé de Saint Pol de \20 Besançon; et nos dis abbés y avons mis nostre seel an tesmognage de verité. 13 Ce fu fait an l-an de Nostre Seig\21nor mil dous cenz et seyxante et cync, le lundi devant l-Apparicion ou moys de janvyer.