Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh008a

1266 (n. st.), 4 janvier.

Type de document: charte: reconnaissance de fief

Objet: Reconnaissance par Jean de Vercel et Amédée [III] de Montfaucon-Montbéliard, de tout ce que Jean reprend et tient ligement en fief d’Amédée, avec le consentement de Mahaut de Sarrebrück, sa femme, à savoir: le marché de Vercel où qu’il se tienne, les droits sur les ventes du dit marché, ainsi que la redevance annuelle sur le sel, à l’exception de la justice de corps afférente au marché et du fief tenu d’Amédée par Humbelin de Pierrefontaine. En échange, Jean doit assurer la garde de Vercel quarante jours par an.

Auteur: Guillaume II de la Tour, évêque de Besançon.

Disposant: Jean de Vercel.

Sceau: sceaux de Guillaume II de la Tour et de Jean, abbé de Saint-Paul.

Bénéficiaire: Amédée [III] de Montfaucon-Montbéliard.

Autres Acteurs: Mahaut de Sarrebruck et Humbelin de Pierrefontaine.

Lieu de conservation: AEN, Recette diverses 220 (Cartulaire de Montfaucon), n° 223

1 [N]os, Willaumes, par la grace de Dieu arcevesques de Besançon, 2 faisons savoir a touz ces qui \2 verront ces presentes lettres 3 que, en nostre presence establiz, nobles bers Ameix de Monbeliart, sires de \3 Monfaucon, d-une part, et Jehans de Verceaus, chevaliers, d-autre part, ont recogneu en droit par devant \4 nous 4 que cils Jehans devant diz est hons liges dou devant dit Amey devant touz homes, 5 \5 et a repris et tient dou devant dit Amey ligement quanque il ha et haura en momble et en heri\6taige et quanque il-conquerra, en quelque-leu que ce soit. 6 Et a recogneu en droit li diz Ameix \7 que il a doné en fyé et en chassement a devant dit Jeham tout le merchié de Verceaux et toutes \8 les ventes dou dit marchié de Verceaux; 7 et li diz Jehans tient ligement toutes ces choses \9 dou devant dit Amey. 8 Et il li a encour doné en fyé et en chassement, en acroissance \10 de l-autre fyé, au devant dit Jeham a-lui et a ses hoirs, permaignablement, tout le droit et \11 toute la raison quel il ha et pooit et devoit avoir ou devant dit marchié de Verceaus et \12 en rente de seil, en-quelque maniere que ce fut, sanz riens retenir, sauve la justise de cors \13 d-ome, s-ele s-i efferoit, et sauf le fyé que Hembelins de Pierrefonteine tient dou dit Amey. 9 \14 Et toutes ces choses dessus dites il a doné et outroié li diz Ameix en quelque leu que li diz mar\15chié de Verceaux fust, se il par aventure estoit remuez, sauve toute voie la dite justise de \16 cors d-ome, se eile s-i efferoit, et le fyé Hembelin dessus nommé. 10 Et li diz Jehans ou sui hoir \17 qui ce fyé dessus diz tenront en-doivent a devant dit Amey et a ses hoirs la garde a \18 Verceaux chescum an quarante jours. 11 Et ce a fait et outroié li diz Ameix par le lox et par l-otroy \19 de la noble dame Mahaust, sa fome, la queille l-a loé et otroié de sa propre volunté et par le \20 commandement son seignour. Et l-a fiancié et promis a tenir et a garder, par sa foy donee corporel\21ment, que eile n-ira encontre ces covenances par li ne par autrui. 12 En tesmoignage de la quel \22 chose, a la priere et a la requeste des dites parties, nous, arcevesques devant diz, avons mis \23 nostre seel en ces presentes lettres avec le seel Jeham, abbey de Saint Poul de Besançon; et \24 nos diz abbés y-avons mis nostre seel en tesmoignage de verité. 13 Ce fu fait en l-an de Nostre Seignour \25 .M.CC. et .LX. et cinc, le lundi devant l-Apparicion, ou mois de janvier.