Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet

chNCh008

1266 (n. st.), 4 janvier.

Type de document: charte: reconnaissance de fief

Objet: Reconnaissance par Jean de Vercel et Amédée [III] de Montfaucon-Montbéliard, de tout ce que Jean reprend et tient ligement en fief d’Amédée, avec le consentement de Mahaut de Sarrebrück, sa femme, à savoir: le marché de Vercel où qu’il se tienne, les droits sur les ventes du dit marché, ainsi que la redevance annuelle sur le sel, à l’exception de la justice de corps afférente au marché et du fief tenu d’Amédée par Humbelin de Pierrefontaine. En échange, Jean doit assurer la garde de Vercel quarante jours par an.

Auteur: Guillaume II de la Tour, archevêque de Besançon.

Disposant: Jean de Vercel.

Sceau: sceaux de Guillaume II de la Tour, d'Amédée [III] de Montfaucon-Montbéliard et de Mahaut de Sarrebruck.

Bénéficiaire: Amédée [III] de Montfaucon-Montbéliard.

Autres Acteurs: Mahaut de Sarrebruck et Humbelin de Pierrefontaine.

Support: Parchemin jadis scellé de trois sceaux sur double queue; il subsiste celui de Mahaut.

Lieu de conservation: AEN, S3 n° 22.

Verso: Donation dou marchier de Vercelx (XIV^e siècle).

1 Nos, Willaumes, por la grace de Deu arcevesques de Besançon, 2 façons savoir a toz ces qui verront ces presentes letres 3 que, en nostre presence \2 establi, nobles bers Ameys de Montbeliart, sires de Montfaucon, d-une part, et Jauhanz de Vorceaus, chevaliers, d-autre part, ont reconeu en droit par devant \3 nos 4 que cil Jauhanz devant diz est hons liges dou devant dit Amey devant toz hommes, 5 et a repris et tient dou devant dit Amey ligemant quant que il a \4 et aura en mouble et en heritaige et quant que il conquerra, en quel que luey que ce soit. 6 Et a reconeu en droit li diz Ameys que il a doné en fyé et en chasemant \5 au devant dit Jauhan tot le marchié de Vorcés et totes les vantes dou dit marchié de Vorceaus; 7 et li diz Jauhanz tient ligemant totes ces choses dou devant \6 dit Amey. 8 Et il li a enquor doné en fyé et en chasemant, en acroissance de l-autre fyé, au devant dit Jauhan, a luy et a ses hoirs, permaignablemant, tot le \7 droit et tote la raisun que il a et pooit et devoit avoir ou devant dit marchié de Vorcés et en rente de sel, en quelque maniere que ce fust, sanz \8 riens retenir, sauve la jostise de cors d-omme, se ele s-i afferoit, et sauf le fyé que Humbelins de Pierre Fontaine tient dou dit Amey. 9 Et to\9tes ces choses desuis dites li a doné et outroié li diz Ameys en quelque luyé que li diz marchiez de Vorceaus fust, se il par avanture estoit remuez, \10 sauve totevoe la dite jostise de cors d-omme, se ele s-i afferoit, et le fyé Humbelin desuis nommé. 10 Et li diz Jauhanz ou sui hoir qui cest fyé desuis dit \11 tanrront en doivent au devant dit Amey et a ses hoirs la garde a Vorceaus chascuin an quarante jors. 11 Et ce a fait et outroié li diz Ameys par \12 le los et par l-otroi de la noble dame Mahaut, sa famme, la quele l-a loé et outroié de sa propre volunté et par la commandemant son soignor. \13 Et l-a fyancié et promis a tenir et a garder, par sa foy donee corporelmant, que ele n-ira encontre ces covenances par ly ne par autruy. 12 En \14 tesmoignaige de la quel chose, a-la proiere et a-la requeste des dites parties, nos, arcevesques devant diz, avons mis nostre seel en ces pre\15santes letres avec les sees des devant diz Amey et Mahaut, sa famme; et nos, dit Amey et Mahaut, i avons mis noz sees en tesmoing\16naige de verité. 13 Ce fu fait en l-an de Nostre Soignor mil dous cenz et sexante et cync, le luyndi devant l-Aparitiun ou mois de janvier.