Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh006

1265 (n. st.), janvier.

Type de document: charte: reconnaissance de fief

Objet: Reconnaissance par Guillaume [II] de la Roche de tout ce qu’il reprend ligement en fief d’Amédée [III] de Montfaucon-Montbéliard au Val de Montmartin et à Mésandans, à savoir ce qui provient du fief de feu son père Odon [II] de la Roche, les puits et les salines de Soulce-Cernay et de Saint Hippolyte et tout le sel qu’il pourrait en tirer, à l’exception de ce qui provient du comté de la Roche.

Auteur: Official de la cour de Besançon.

Disposant: Guillaume [II] de la Roche.

Sceau: sceau de la cour de Besançon.

Bénéficiaire: Amédée [III] de Montfaucon-Montbéliard.

Autres Acteurs: Etienne de Vy dit Moine.

Support: Parchemin scellé sur simple queue.

Lieu de conservation: AEN, S3 n° 6b.

1 Nos, officiaus de la cort de Besançon, 2 faisons a savoir a toz ces qui verront ces presantes \2 letres 3 que, an nostre presance establiz, Willelmes, cuens de la Roche et sires de Nonlay, \3 et por ce venuz devant nos an droit, a reconeu par devant nos 4 que il a repris lige\4mant dou noble baron Amey de Montbeliart, segnor de Montfaucon, son segnor \5 lige, quant que il puet et doit avoir ou Val de Montmartin et a Mesandans de-par \6 son pere, Odon, ça an arriers conte de la Roche, et quant que il i puet et doit a\7voir an autre maniere, an totes autres manieres, an fié et an domenuires. 5 \8 Et si est de ce fié toz li mariages sa mere et ce que mes sire Estienes de Vy, chevaliers, \9 diz Moines, tient de luy ou Val de Montmartin et ce que il ont es Biez et quant \10 que il puet et doit avoir ou devant dit Val de Montmartin, sanz riens rete\11nir, sal ce qui est et qui muet dou conté de la Roche. 6 Et ces choses desus dites \12 reprant li diz Willelmes dou devant dit Amey ligemant. 7 Et a ancor repris li diz Willelmes \13 ligemant dou devant dit Amey les poiz et les salins de Suce et de Saint Ypolite et \14 les apartenances et les usemanz des diz leus et des diz salins, quant que il i puet et \15 doit avoir, et deçay l-aigue et delay, et tot le sel qui puet venir es devant diz leus \16 et tot l-acroissemant que il i porroit faire. 8 Et an totes ces choses renonce li diz \17 Willelmes, par sa (sa) foi donee corporelmant, a toz droiz de loy et de canon et a toz droiz \18 escriz et non escriz et a totes exceptions qui au devant dit Amey porroient gre \19 ver et luy aidier. 9 An tesmognage de la quel chose, nos avons mis le seel de la \20 devant dite cort an ces presantes letres, 10 qui furent faites an l-an de Nostre \21 Seignor mil et dous cenz et seixante et quatre, ou mois de janvier.