Accueil>Les corpus textuels>Charte chdouai0360

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0360

1265, 5-30 avril.- Douai.

Type de document: charte: don pour dot

Objet: Don par Henri le Parmentier de la moitié de sa maison rue de la Fausse Poterne (actuelle rue des Ecoles) à son gendre Simon de Fressain, l'autre moitié revenant à son autre gendre, Michel Cousin, avec réserve de l'usufruit d'une partie du bien et sous diverses conditions.

Auteur: non annoncé, échevins de Douai.

Disposant: Henri le Parmentier.

Sceau: non scellé; devise chirographaire: CY-RO-GRA-PHUM

Bénéficiaire: Simon de Fressain et Michel Cousin, ses gendres.

Autres Acteurs: Godeus, femme d'Henri, Jeanne, leur fille, épouse de Michel. - échevins de Douai: Jean Petit Dieu et Jacques Painmouillet.

Support: Original parchemin chirographe superposé tripartite - partie médiane.

Lieu de conservation: AM Douai, FF 583/30.

Verso: Cis escris est Henri le Parmentier et Godeut, se feme , et Mikiel ki a se fille et Simon de Fresaing.

 1 Sacent tout cil ki sunt et ki a-venir sunt 2 que Henris li Parmentiers a dounet et otriiet en mariage, aprés sen deciés et aprés le déchiés \2 Godeut, se feme, a Simon de Fresaing, a oes Jehanain, fille Henri devant dit, qu'il a de Godeut, se feme, le moitiet de se maison et de sen ten\3nement qu'il a en le rue de le Fause Posterne joingnant al tennement Jehan le Mirail, a partir encontre Mikiel qui a a-feme le fille Henri de\4vant dit, ensi qu'il se concorderont entr'aus deus, adont cascuns de se moitiet par los gietans u par bouke; et celi moitiet de tout le te\5nement devant dit a douné et otriié Henris devant noumés a Simon devant dit coume sen hiretage, a le moitiet de .XXXIX. d. doussiens \6 et a le moitiet de demi capon et a le moitiet de .XVI. s. de par. par an que Simons de Fressaing devera pour se partie, cascun an aprés le déciés \7 Henri et Godeut devant dis; et tout autretant en devera de rente par an por se partie Mikius Cousins devant dis, quant se partie \8 del tennement devant dit li eskiera. Et si a encore counut Henris devant dis que Simons devant noumés doit tenir tout le tennement \9 devant dit tant que cils Henris et Godeus, se feme, viveront, sauf chou que cils Henris et Godeus, se feme, doivent manoir toutes leur \10 vies, s'il voelent, en l'iretage devant dit, si que ens el solier de le maison et avoir le despense derriere; et doit estre li cors dou tennement \11 et tout li proufit a-moitiet et i doivent avoir Henris et Godeus, tant qu'il vi[ve]ront, le[ur] [1] aler et leur venir; et doit cils Henris paier \12 por se partie de sen liu la il doit manoir ou tennement devant dit, si que deseure est dit, .VII. s. et .VI. d. de par. par an de le rente \13 de le maison et Simons de Fresaing en doit paier le remanant, le vie Henri et Godeut devant dis. Et doit cascunne des parties devant \14 dites, si que Henris et Simons devant dit, retenir le maison et le tennement et paier les cous c'on i-meteroit por le retenir, autant li-uns \15 coume li autres. Et s'ensi estoit que Henris et Godeus, se feme, ne volsissent manoir ou tennement devant dit, metre i-puent autrui \16 preudoume u preudefeme et louer leur partie, sauf chou que Henris est tenus de paier .VII. s. et .VI. d. de par. par an ou rabat \17 de le rente que li tennemens doit. Et si a-counut Henris devant dis que Simons devant noumés devoit tenir tout le tennment .VIII. \18 ans pour .VIII. lb. de par. k'il li proumist a-mariage a oes Jehanain devant dite, avoec le moitiet dou tennement que cils Henris li a donné \19 et otriié hiretaulement, si que deviset est; de quoi il est a savoir que, s'il avenoit que Henris et Godeus, se feme, devant dit morussent ançois \20 que cist .VIII. an fuissent passet, que cils Simons tenroit le partie Mikiel Cousin devant dit que cils Mikiels doit avoir, avoec se \21 partie en avant tant que li .VIII. an devant dit seront aconplit, dont il est a-savoir que li premiers ans de ces .VIII. ans coumence a \22 le Saint Jehan Baptiste ki ert en l'an del Incarnation .M.CC. et .LVX. prochainne que nous atendons; et s'est a-savoir que quant cist \23 .VIII. an seront passet, si devera avoir Mikiels Cousins devant dis se partie dou tennement devant dit, encontre Simon devant \24 noumet, sauf chou que Henris et Godeus, se feme, soient alet de vie a-mort dedens ces .VIII. ans devant dis; et s'il plus vivoient \25 de .VIII. ans, fust Henris u Godeus, se feme, plus le tenroit Simons devant dis, c'est a-savoir toutes leur vies, ensi que deseure \26 est dit, sauf chou que Henris et Godeus, se feme, i-doivent avoir leur manoir, s'il voelent, u louer leur partie la il volront toutes leur vies, si que devant est dit. 4 Et parmi ces couvenences, a Simons devant dis quité et quite clamé Henri et Godeut, se feme, \27 devant dis des .VIII. lb. qu'il li proumist au mariage et de toutes autres coses dusques au jor de hui. 5 A ceste counissance et a ces \28 couvenences faire furent coume eskevin Jehans Petis dius et Jakemes Pains moulliés [2], en l'an del In\29carnation .M.CC. et. LXV., el mois d'avril.
Notes de transcription
[1] le manuscrit est déchiré.
[2] le nom des échevins est écrit d'une autre main ms.