Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh001a

1238

Type de document: charte: paix

Objet: Paix entre Amédée [III] de Montfaucon-Montbéliard, Hues de Belvoir, Othon de Vennes et les résidents du château de Vennes. Pour cette paix, le château de Montaloz est détruit. En compensation, les résidents du château de Vennes jurent que le château de Vennes peut désormais servir de refuge à Amédée, à condition qu’il respecte les droit de Hues. Si ce dernier entre en guerre contre sa volonté, il ne peut porter préjudice à Amédée en recevant quelqu’un au château ou en entraînant ceux de Vennes dans le conflit. Othon, un de ses fils, et les résidents du château deviennent hommes-liges d’Amédée, excepté la féauté due à d’autres seigneurs. Amédée et Hues ne peuvent pas construire un château à Vennes, avec charge pour les parties d’empêcher toute reconstruction. En cas de guerre entre Amédée et Hues, il leur est défendu de s’attaquer à leurs possessions réciproques. En cas de non-respect de ces conventions, le contrevenant – ou, s’il est absent, celui qui agit en son nom – a quarante jours pour s’amender. Si Amédée est fautif, il perd ses garanties et ses hommes-liges à Vennes, et il ne doit pas construire de château sur le territoire de Vennes. Si Hues est fautif, il perd ses garanties et Amédée peut construire des fortifications au château ou dans le reste du val avec le consentement des résidents de Vennes et du seigneur de Belvoir.

Auteur: Amédée [III] de Montfaucon-Montbéliard, Hues de Belvoir Othon de Vennes et les résidents du château de Vennes

Sceau: sceaux d'Amédée [III] de Montfaucon-Montbéliard et de Hues de Belvoir.

Lieu de conservation: AEN, Recettes diverses 220 (Cartulaire Montfaucon), n° 15.

1 [J]e Ameix, sires de Monfaucon, et je, Hues, sires de Belvoir, et je, Otes, sires de chastel \2 de Vennes, et tuit li partaiges dou chastel de Vennes, 2 façons a savoir a touz ces qui verront \3 ces presentes lettres 3 que nous avons fait pais et concorde entre noz diz seignours en tel manie\4re com il est contenu en ces lettres, 4 la queix pais est ensi que li chastelx de Montallo est cheuz \5 par la pais. 5 Et pour le dit chastel qui est abatui, li partaige dou chastel de Vennes ont juré par \6 le commandement au seignour de Belvoir le chastel de Vennes receptables a-mon seignour Amey \7 [contre] toute genz [et] a son hoir qu[i] [tanra] chose de Vennes qui est soue, sauve la feauté \8 monseignour Hue de Belvoir et son hoir qui tenra li fyé de Vennes qui meut de-lui. 6 Et se li sires \9 de Belvoir estoit en guerre, qui ne fuit en son chief, il ne doit mener ces de Vennes ou do\10maige monsseignour Amey ne ne doit recepter ou chastel de Vennes pour le domaige monseignour Amey \11 se n-estoit pour sa guerre en chief. 7 Messire Otes de Vennes et tuit li partaige dou chestel de \12 Vennes sont home monseignour Amey sauve la feauté a touz lor seignour. 8 Et messire Otes de Vennes \13 a rendu monseignour Amey un de ses filz lige. 9 Et tuit li hoirs des [par]taiges monsseignour Ote dou \14 chastel de Vennes doivent devenir home monseignour Amey cil qui ne le sont ensi com il sanz \15 maffaire, tant qui an ait un lige d-un chescum des partaiges qui or il sont. 10 Aprés messire \16 Ameys de Monfaucon ne sui hoir, ne messire Hues de Belvoir ne sui hoir, ne cil de Vennes \17 ne lour hoir ne doivent fermer chastel ou territoire de Vennes. 11 Et se acuns y-voloit fermer \18 chastel, messires Ameyx et messire Hues de Belvoir et ci de Vennes le doivent deffandre par \19 poir, par les convenances qui sont contenues en ceste chartre. 12 Et pour guerre qui soit entre monseignour \20 Amey et monseignour Hue ne çaus de Vennes, messire Ameix ne doit forfaire chose dou Val qui aparte\21igne monseignour Hue de Belvoir, ne a ces de Vennes, ne messire Hues de Belvoir, ne cil de Vennes \22 ne doivent forfaire chose dou Val qui apparteigne monsseignour Amey. 13 Et se acuns des diz \23 seignours essoit des covenances qui ci sont contenues, cilz qui an estroit est tenuz de l-amander \24 dedanz les quarante jours qui li sera requis, se il estoit ou païs; et se il estoit despaisez, qui \25 saroit requis a-celui qui seroit en son leu. 14 Et se il deffailloit an monseignour Amey, ses ploiges este\26roient gajables, ne il ne doit fermer chastel ou territoire de Vennes, et cil de Vennes sont \27 fors de son homaige. 15 Et s-il deffailloit a monseignour Hue de Belvoir ou es seignours de Vennes, les \28 ploiges monsseignour Hue esteroient gajables. Et messire Ameix puet fermer chastel enqui \29 ou autre part ou Val par le lox au seignour de Belvoir et a ces de Vennes. 16 Et pour ce que ceste chose soit \30 ferme et estable, je, Ameix, sires de Monfacon, et je, Hues, sires de Belvoir, avons mis noz seauls \31 en ceste chartre en tesmoignaige de verité. 17 Et ce est fait en l-an Nostre Seignour. M° .CC. ° XXX°. VIII°.