Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0352

1265, 5-30 avril. - Douai.

Type de document: charte: vente

Objet: Vente de deux maisons rue du Fossé Maugart (actuelle rue des Ferroniers) par Nicoles "le Pouletier" à Marote "le Cok" moyennant 8 mars, 19 sous, 6 deniers par. et 20 den. dois. de rente.

Auteur: non annoncé, échevins de Douai.

Disposant: Nicoles "le Pouletier", clerc.

Sceau: non scellé; devise chirographaire: CIROGRAPHE

Bénéficiaire: Marote "le Cok", bru d'Evrard le Cok.

Autres Acteurs: échevins de Douai: Jean Petit Dieu et Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5900.

Édition antérieure: Espinas, Vie urbaine, t. III, n° 483, p. 360.

Verso: C'est wers et covenance Marien le-Cok.

1 Sacent tout cil ki sunt et ki a venir sunt ke 2 Nicoles li Pouletiers li clers, a vendu et werpi a Marotain le Cok, fillastre \2 Evrart le Cok ki fu, ses maisons et tout sen tenement entirement ke il avoit el Fosseit Maugart, c'est a-savoir le mai\3son u il maint et le maison encosté u li fours est, ki sient entre le maison ki fu Huelin le Cambier et le maison Pieron \4 de Saint Nicolay le clerc, tout ensi com ces maisons et tous cius tenemens ke cius Nicoles a vendu, ensi com ci devant \5 est dit, siet, wis et hebergiés devant et derriere, a .VIII. mars, .XVIIII. s. et .VI. dens. de par. et .XX. dens. dois. de \6 rente par an sor toutes rentes, le quele rente tous cius tenemens doit toute as persones et es lius et tout ensi com ci aprés \7 est deviseit, c'est a savoir a Simon le Clerc sor le maison u li fours siet .II. mars, as hoirs Gerart dou Castiel ausi sor le maison \8 u li fours siet demi marc, a-Jakemon Pourciel ausi sor le maison u li fours siet. 1/2. marc, a Margot Baudane ausi sor le maison \9 u li-fours siet .I. frt., a-Margot Pain moilliet sor tout le devantdit tenement. 1/2. marc, encore sor le maison u li fours siet a \10 le dame de Riulai. 1/2. marc, encore sor le maison u li fours siet, a Saint Piere .I. marc et frt. et demi, a Baude d'Es\11trees de par Nicolon d'Anwenchin et Gillotain le Heriere .III. mars et .VII. s. de-par. sour tout celui tenement, et a \12 l'ostelerie Saint Jehan devant Saint Piere .XX. dois. sor tout celui tenement. 3 Et tout ensi com ci devant est deviseit, \13 a Nicoles devant noumeis vendu et werpi ses maisons et tout sen tenement devantdit a Marotain devant nou\14mes et en-couvent a aquiter juskes au dit des eskievins. 4 Ce fut fait en le hale par devant eskievins Jehans \15 Petits dius et Simons Malés, en l'an del Incarnation Nostre Signeur mil .CC. LXV., el mois d'avril.