Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0350

1265, 5-30 avril. - Douai.

Type de document: charte: vente

Objet: Vente de 9 marcs et 18 sous de par. de rente sur plusieurs maisons à Douai par Gautier de Quiery à Amé de Mons, avec l'accord de Gautier "Pié d'argent" et de Raingier "Pié d'argent".

Auteur: non annoncé, échevins de Douai.

Disposant: Gautier de Quiery.

Sceau: non scellé; devise chirographaire: CIROGRAPHE

Bénéficiaire: Amé de Mons le Jeune.

Autres Acteurs: Gautier "Pié d'argent" et Raingier "Pié d'argent". - échevins de Douai: Jacques Pourcel et Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5898.

Verso: C'est werps et couvenence Ameit de Mons li jovenes.

1 Sacent tout cil ki sunt et ki a venir sunt ke 2 Watiers de Kieri a vendu et wierpi a Ameit de Mons le-jovene .IX. mars et .XVIII. \2 s. de par. d'iretage ke il avoit de-rente hiretaulement en le vile de Douay en pluseurs lius ki ci apriés sunt noumeit et deviseit, c'est a savoir: \3 es viés Maisiaus sour le maison Jakemon le Coutelier .III. mars, sour le maison Jehan as Kauchereus .I. marc et demi, sour le maison \4 Emmain dou Treit .II. mars et .I. frt. et demi, sour le maison Aelis Pisson .III. frt. et demi et sour le maison derriere ke Nicoles de Boussut, \5 li machecliers, tient, .I. marc; et deheurs le porte d'Eskierchin sour le maison ke Martins li Boulengiers tient .I. marc; et au Four des \6 Euwes sour le maison Kar as Pois .III. s. de par.; et tous ces .IX. mars et .XVIII. s. de par. de rente, a Watiers de Kieri devantdis vendus \7 et werpis a Ameit devant noumeit et en-covent a-aquiter ensi com ci devant est deviseit juskes au dit des eskievins. Et s'est a-savoir ke \8 Watiers Pié d'argent li-jovenes et Raingiers Pié d'argent ont tout cestui vendage loet et graeit et ont quitees et quites clamees toutes \9 les covenences ke il avoient a celui Watier de-Kieri de tant k'il afiert a ces .IX. mars et .XVIII. s. de par. de rente; et en ont mis \10 Watiers Pié d'argent et Raingiers devantdit Ameit de Mons devant noumeit en autel point k'il en estoient. Et \11 s'est encore a-savoir ke Watiers de Kieri devantdis counoist et a-counut ke il n'a sour ces .IX. mars et .XVIII. s. de par. de rente assenement \12 ne about ne autre covenence ki ci-devant est devisee. 3 Ce fu fait en le hale par devant eskievins Jakemes Pourcheaus \13 et Simons Malés, en l'an del Incarnation Nostre Signeur mil .CC. LXV., el mois d'avril.