Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0344

1265 (n.st.), mars. - Douai.

Type de document: charte: cession

Objet: Cession temporaire d'une maison située au-dehors de la porte des Wetz à Douai moyennant 3 marcs annuels de rente héritière, et de 5 cortils et de 7 heudes situés rue de la Fausse Poterne (actuelle rue des Ecoles) moyennant 23 sous par. effectuée par Jean "Gosse" en faveur de Baudouin "Migneran" durant le temps nécessaire au premier d'aller en pèlerinage en Terre Sainte pour y prier pour l'âme de Baudouin et la sienne. Jean devra y demeurer une année et le prouver par une lettre émanant d'une personne digne de confiance. A son retour, Baudouin, ou son successeur, lui rendra ses biens. Si Rikeut, femme de Jean, ou leur enfants mourraient, Jean devrait récupérer son bien à l'exception de ce qui avait été convenu avec Baudouin et déduction faite des investissements de ce dernier pour l'entretien des biens.

Auteur: non annoncé, échevins de Douai.

Disposant: Jean Gosse.

Sceau: non scellé; devise chirographaire: CY-RO-GRA-PHUM

Bénéficiaire: Baudouin Migneran (possible beau-frère de Jean Gosse).

Autres Acteurs: Rikeut, femme de Jean Gosse et fille de Gilles Migneran. - échevins de Douai: Jehan Petit Dieu et Simon Malet.

Support: Original parchemin 180x230; chirographe superposé bipartite - partie inférieure.

Lieu de conservation: AM Douai, FF 660/5893.

Verso: Cis escris est Bauduin Mingneran.

1 Sacent cil ki sunt et ki a-venir sunt que 2 Jehans Gosses a werpi et quité a-Bauduin Migneran se mai\2son ki siet de hors le porte des Wes en le Grant rue joingnant au tennement Jakemon le Rainfroit d'unne \3 part et au tennement Gherart de le Vile d'autre part, si que cele maisons siet, wide et hierberghie devant \4 et derriere, a .III. mars d'iretage par an sor toutes rentes; et tout ensi con ci deviset est, a en-couvent \5 Jehans Gosses devant dis a aquiter le maison devant dite dusques al dit des eskevins a-Bauduin de\6vant dit. Et si a encore Jehans Gosses devant noumés werp[i] ^[1] et cuité a-Bauduin devant dit .V. cortius \7 et .VII. heudes ki sient en le rue de le Fause Posterne, si que li .V. cortil et les .VII. heudes sient et tous \8 li tennemens siet, wis et hierberghiés devant et derriere, a .XXIII. s. par. par an sor toutes rentes; \9 et tout ensi con ci deviset est, a en-covent Jehans Gosses devant dis dusques [al] [dit] ^[2] des eskevins a Bauduin devant dit. \10 Et s'est a-savoir que s'il avenoit cose que Jehans Gosse devant dis revenist de le tiere d'Outre Mer, la il \11 doit aler et est tenus d'aler por l'ame Bauduin devant dit nonmeement et por le sive et Dex le \12 ramenast dedens le vile de Do[uay] ^[3] et il eust tiesmoignage de-preudoumes k'il i eust esté ^[4] \13 et demouret en le tiere .I. en u il en raportast letres dou maistre dou Temple d'Acre u dou maistre \14 del-Ospital u de persoune soufissant k'il i eust estet ^[5], Bauduins Mingnerans u cils ki \15 l'iretage tenroit de par Bauduin doit rewerpir tous les iretages devant dis a Jehan Gosse devant dit \16 a tel rente que deseure est dite. Et s'est encore a-savoir que s'il avenoit cose que il defalist de Rikeut, le \17 feme Jehan Gosse ki fille est Gillion Migneran, et des enfans celi Rikeut que ele a u aroit de Jehan Gosse, \18 sen baron devant dit, ançois que de celui Jehan Gosse, cils Jehans Gosses doit ravoir tous les iretages devant \19 dis cuités et delivrés a tel rente que deseure est dite, sauve le couvenence que Bauduins Mignerans dist \20 k'il a sor celui Jehan Gosse et sor tout le sien, ki fu faite devant cesti, ensi que Bauduins dist; et sauf çou \21 encore que, se Bauduins metoit cous pour les iretages retenir, que tes cous k'il i-meteroit k'il les doit \22 reprendre par anees ^[6] sour les iretages devant dis et sor tout le sien de ci al dit Bauduin devant dit, avoec tel con\23nissance k'il dist k'il i-a. 3 Tout çou fu fait en le hale par devant eskevins Jehan Petit deu et \24 Simon Malet ^[7] \25, en l'an del Incarnation .M.CC. et. LXIIII., el mois de march.

Notes de transcription
^[1] le parchemin est troué.
^[2] le parchemin est troué.
^[3] le parchemin est troué.
^[4] etfaitçouk'ildeustraturé sur le ms.
^[5] etfaitçouk'ildeustraturé sur le ms.
^[6] paraneesen interligne ms.
^[7] le nom des échevins est d'une autre main ms.