Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0340

1265 (n.st.), mars. - Douai.

Type de document: charte: engagement

Objet: Engagement de Drivars de Wagnonville de rembourser Jacques de Saint-Soupplet, Gautier et Estourmit de Wagnonville des 400 livres qu'il doit à Gautier "Pié d'argent" et Amé de Mons, et dont ils se sont portés garants.

Auteur: non annoncé, échevins de Douai.

Disposant: Drivars de Wagnonville.

Sceau: non scellé; devise chirographaire: CIROGRAPHE

Bénéficiaire: Jacques de Saint-Soupplet, chevalier, Gautier et Estourmit de Wagnonville.

Autres Acteurs: Gautier "Pié d'argent" et Amé de Mons, bourgeois de Douai. - échevins de Douai: Jean Petit Dieu et Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5889.

Verso: C'est aquitance Monsigneur Jakemon de Saint Souplech et ses compaignons.

1 Sacent tout cil-ki-sunt et ki-a-venir sunt ke 2 Drivars de Waignonvile doit et a en-covent a-aquiter \2 ses chiers amis monsigneur Jakemon de Saint Souplech, chevalier, Watier et Estourmit de Waignonvile de. XII xx. lb. \3 de-par. de-quoi il ont fait leur propre dete pour lui envers Watier Pié d'argent le jovene et Ameit de Mons le \4 jovene, bourgois de-Douay, s'il avenoit ke cius Drivart aloit u issoit heurs des fortreces de le vile de Douay \5 sans le greit et sans le volenté des bourgois devantdis, juskes a-tant k'il seroient sols et paiet de ces. XII xx. lb. de-par. \6 k'il leur doit, si com il dist. Et-s'il avenoit cose ke mesire Jakemes, Watiers et Estourmis devantdit avoient paine, \7 coust u damage pour l'okison de cesti dete, Drivars devantdis leur doit et a en-covent a rendre tous les cous, tous \8 les despens et tous les damages ke il-i-aroient u feroient par le defaute de sen paiement en-quelconke maniere ke-ce-fust \9 juskes a leur dis u juskes au dit de l'un u des deus d'aus trois u de leur hoirs, se d'aus estoit defalit, sans autre \10 provance faire avoec le dete devantdite. Et avoec çou, Drivars devantdis veut et otrie ke mesire Jakemes, \11 Watiers et Estourmis devantdit u li uns u li doi d'aus trois u leur hoir u leur conmans puissent doner del \12 sien au signeur de le-tiere u as baillius u a quele justice k'il volront pour leur aquitance de le dete devant dite a-requere\13 et faire avoir juskes a XL. lb. de-par. 3 Et de tout çou faire et tenir, ensi com ci devant est dit, en met et a-mis Drivars \14 devantdis en droit, en loi et en abandon envers tous signeurs et envers toutes justices, tous ses biens et lui et tout le \15 sien u ke il l'ait en-tele maniere ke mesire Jakemes, Watiers et Estourmis devant dit u li uns u li doi d'aus trois u leur \16 hoir u leur conmant le puissent prendre et faire prendre a lui et au-sien par-tout u ke il l'ait com le leur juskes a-tele \17 covenence. Furent com eskievin Jehans Petis diex et Simons Malés, en l'an del Incarnation Nostre Signeur \18 mil .CC. LXIIII., el mois de march.