Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0329

1265 (n.st.), mars. - Douai.

Type de document: charte: vente

Objet: Vente d'une maison hors de la porte Au Cerf avec le reclos et la loge qui y attiennent par Ricouard Le Moelekinier à Pieron Bradefier moyennant 3 marcs de rente héritière.

Auteur: non annoncé, échevins de Douai.

Disposant: Richard "le Muelekinier".

Sceau: non scellé; devise chirographaire: CY-RO-GRA-PHUM

Bénéficiaire: Pierre "Bras de fier".

Autres Acteurs: échevins de Douai: Jean Petit Dieu et Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5878.

Édition antérieure: Espinas, Vie urbaine, t. III, n° 475, p. 354.

Verso: Cis escris est a Pieron Bra de-fier.

1 Sacent cil ki sunt et ki a-venir sunt que 2 Ricouwars li Muelekiniers a vendut et werpit a Pieron Bras de fier, \2 le candellier, une maison ki siet dehors le porte au Cierf joingnant au tennement Jakemon de Wasiers d'unne part \3 et au tennement Ricouwart devant dit d'autre part, si que cele maisons et tous li tennemens siet, wis et hierber\4ghiés devant et derriere; et se doit avoir Pieres devant dis le reclaue ki siet entre les .II. tennemens Ricouart ^[1] \5 devant noumet et joingnant au tennement Jakemon de Peule a un les et doit encore avoir cils Pieres le moitié \6 as murés ki sunt de sen tennement encontre celui Ricouwart et ses goutieres de demi piet; et se doit encore \7 avoir cils Pieres le loge ki siet deriere le tennement Jakemon de Wasiers joingnant a le ruiele et doit avoir \8 demi piet cele loge de goutiere tant conme ele a de-longheice. Et ceste maison et tout le tennement tout ensi \9 come il est deseure devisés, a vendu et werpi Ricouars devant dis a Pieron devant noumet a .III. mars et demi d'iretage par an sor toutes rentes. Et tout ensi con ci deviset est, a en-couvent Ricouwars devant \10 dis a aquiter le maison et tout le tenement devant dit dusques al dit des eskevins a Pieron devant nou\11met. 3 Tout chou fu fait en le hale par devant eskevins Jehan Petit deu et Simon Malet ^[2], \12 en l'an del Incarnation .M. CC et. LXIIII., el mois de march.

Notes de transcription
^[1] letest écrit au dessus de la ligne ms.
^[2] le nom des échevins est écrit d'une autre main ms.