Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0328

1265 (n.st.), mars. - Douai.

Type de document: charte: don

Objet: Don par Jacques "le Machon" de sa maison au dehors de la porte d'Arras à ses trois enfants Margot, Maurand et Isabelle.

Auteur: non annoncé, échevins de Douai.

Disposant: Jacques "le Machon".

Sceau: non scellé; devise chirographaire: CY-RO-GRA-PHUM

Bénéficiaire: Margot, Maurand et Isabelle, ses enfants.

Autres Acteurs: échevins de Douai: Pierre de Hasnon et Simon Malet.

Support: Original parchemin chirographe superposé bipartite - partie inférieure.

Lieu de conservation: AM Douai, 1NC1546, anc. cote: GG 184.

Verso: Cils escris est maistre Jakemon le Machon del don k'il a fait a Morant, a Margot et a Ysabiel, ses enfans.

1 Sacent tout cil ki sunt et ki a-venir sunt que 2 maistre Jakemes li Machons a dounet \2 et otriiet a Margot, a Morant et a Ysabiel, ses enfans, sen manage ki siet de hors le \3 porte d'Arras au les deviers l'euwe joingnant au tennement Nicholon de Hielenmes d'unne part et as deus heudes Werin le Maieur qui se fille a d'autre part, lesqueles heudes \4 Jakemes devant dis donna a-mariage a Marotain, se fille, feme Werin devant noumet. Et \5 se doit departir li manages parchons est ordenee et devisee ens el cyrografe del don que maistre Ja\6kemes devant dis fist a Werin devant noumet ki se fille a. Et cest manage, ensi qu'il \7 est deseure devisés, a douné et otriié maistre Jakemes devant dis a ses trois enfans \8 devant noumés a droite parchon a .IIII. s. de douiss. et a .IIII. capons par an sor \9 toutes rentes et par ensi que, s'il defaut d'aucun de ces .III. enfans sans hoir de leur \10 char de loial mariage u sans devise u sans entrer en relegion, que li autre l'aient \11 a droite parçon et par ensi que Werins de Syn qui se fille a n'i puist cose deman\12der, que cascuns de ses trois enfans devant dis ne puist faire dou sien se volenté, \13 de quele eure que se parchons eskiece, sauf chou que s'il i avoit nul de ces .III. enfans \14 descordans li uns viers l'autre que cils ki seroit descordans n'euist pooir de sen hiretage \15 prendre ne partir ne avoir, se ce n'estoit par le gret maistre Jakemon, sen pere, s'il a\16dont vivoit, u des .II. plus prochains amis preudoumes de sen lignage. Et si puet \17 maistre Jakemes sor le partie del hiretage devant dit des trois enfans devant \18 dis prendre et douner a se-volenté .X. lb. de par. Et toute ceste devise a faite mai\19stre Jakemes devant dis en tele maniere k'il le puet muer et rapieler en quel estat \20 k'il soit, tant k'il ara le vie el cors, et faire dou sien se volenté toute se vie. A-ceste \21 devise furent coume eskevin Pieres de Hasnon et Simons Malés ^[1] en l'an del Incarnation .M.CC. et. LXIIII., el mois de march.

Notes de transcription
^[1] le nom des échevins est d'une autre main ms.