Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0322

1265 (n.st.), février.- Douai.

Type de document: charte: reconnaissance de dette

Objet: Reconnaissance d'une dette de 110 sous par. faite par Morant d'Ecaillon envers Jehan Le Cordewanier, à régler à la Noël qui suit. En cas de retard, le débiteur s'engage à dédommager le créancier.

Auteur: non annoncé, échevins de Douai.

Disposant: Morant d'Ecaillon.

Sceau: non scellé; devise chirographaire: CIROGRAPHE

Bénéficiaire: Jean le Cordewanier.

Autres Acteurs: échevins de Douai: Simon Malet, Bernard du Rués.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5873.

Verso: C'est covenence maistre Jehan le Cordouanier.

1 Sacent tout cil ki sunt et ki a venir sunt ke 2 Morans d'Escaillon doit et a en \2 couvent a maistre Jehan le Cordouanier cent et .X. s. de par. de boine dete et \3 de loial a rendre et a paier dedens le jour dou Noeil le premier ki vient; et s'il \4 avenoit cose ke ceste dete n'estoit rendue et paiee a maistre Jehan devant noumeit \5 u a sen conmant dedens le termine devantdit, Morant ^[1] devant dis li doit et a en-cou\6vent a rendre tous les cous, tous les despens et tous les damages ke il i aroit u feroit \7 par le defaute de sen paiement en quelconke maniere ke ce fust juskes a sen dit sans \8 autre prouvance faire avoec le dete devantdite. Et tout çou li a cius Morans en \9 couvent sor lui et sor tout le sien, en tele maniere ke maistre Jehans devantdis u ses \10 commans le puist prendre a celui Morant et au sien par tout u ke il l'ait et ven\11dre et despendre com le sien juskes a-tele couvenence ki ci devant est dite. Et en \12 toutes ces coses Morans devant dis renonce et a renonciet a tous previlieges, ke croi\13siet ont u poront avoir et a tous autres previlieges, a toutes bares, a toutes excep\14tions, a toutes aiwes de loi de Sainte Eglise et de loi mondaine, a tous respis de quele persone ke ce soit et a toutes les coses ki d'endroit ces couvenences li poroient aidier \15 et valoir et maistre Jehan devantdit u sen hoir grever u nuire. 3 Et tout çou li a \16 cius Morans en-couvent et creanté par foi fianchie coporelment a faire et a tenir \17 bien et loialment. A ceste covenence furent com eskievin Simons Malés et \18 Biernars dou Riés ^[2], en l'an del Incarnation Nostre Signeur mil .CC. LXIIII., el mois de fevrier.

Notes de transcription
^[1] Morantest précédé d'une rature ms.
^[2] le nom des échevins est écrit d'une autre main ms.