Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0321

1265 (n.st.), février.- Douai.

Type de document: charte: arrentement

Objet: Arrentement d'une maison à la fontaine au Havet par Jean "Doret" à Jacques d'Auby moyennant 6 marcs et 2 sous par. de rente héritière, avec la faculté de racheter 2 marcs de rente en 6 ans.

Auteur: non annoncé, échevins de Douai.

Disposant: Jean Doret.

Sceau: non scellé; devise chirographaire: CY-RO-GRA-PHUM

Bénéficiaire: Jacques d'Auby.

Autres Acteurs: échevins de Douai: Bernard Pilate, Rénier de Gouy, Bernard Catel.

Support: Original parchemin chirographe superposé tripartite - partie médiane.

Lieu de conservation: AM Douai, FF 660/5872.

Verso: Cis escris est Jakemon d'Aubi et Jehan Doret.

1 Sacent tout cil ki sunt et ki a-venir sunt que 2 Jehans Dorés a werpit et dounet a rente a Jakemon d'Aubi le maison ki \2 fu Sohier de Merchin, ki siet a le fontainne au Havet joingnant au tennement Nicholon Joire, si que cele maisons siet, wide et \3 hierberghie devant et derriere, a .VI. mars d'iretage et a .II. s. de par. par an sor toutes rentes. Et si a en-couvent Jake\4mes d'Aubi devant dis a racater de le rente devant dite .II. mars d'iretage de .XV. lb. le marc de ceste Saint Jehan Baptiste \5 proçainne que nous atendons en .VI. ans apriés, cascun an de tous les .VI. ans, .VI. s. .VIII. d. de par. de .C. s. de par.; \6 et a la mesure qu'il racatera ceste rente, si que deviset est, c'ert ou rabat de le rente devant dite et quant il ara raca\7tés les .II. mars d'iretage des .XXX. lb. devant dites, li maisons sera et demoerra a .IIII. mars d'iretage et a .II. s. de \8 par. par an sor toutes rentes. Et ces .XXX. lb. de par. por le racat des .II. mars d'iretage devant dis, a en-couvent \9 Jakemes d'Aubi devant dis a lui et au sien que Jehan Dorés devant noumés les puist prendre a-lui et au sien par tout u k'il-l'ait \10 et vendre et despendre coume le sien dusques a tel convenence con chi devant est dite. Et tout ensi con ci deviset \11 est, a en-couvent Jehans Dorés devant dis a aquiter le maison devant dite dusques al dit d'eskevins a Jakemon de\12vant dit. Tout chou fu fait en le hale par devant eskevins Biernart Pilate, Renier de Goy et Biernart Chatel ^[1], \13 en l'an del Incarnation .M.CC. et. LXIIII., el mois de fevrier.

Notes de transcription
^[1] le nom des échevins est écrit d'une autre main ms.