Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr222

1270, août

Type de document: charte: donation

Objet: Donation faite par Jean de Marmeaux, seigneur de Ravières, et Aalis sa femme, au ducHugues IV des biens acquis par eux de feu Hues de Tart, seigneur de Magny-sur-Tille,sis à Magny et Neuilly-lès-Dijon.

Auteur: Jean de Marmeaux, seigneur de Ravières, et Aalis sa femme

Sceau: Acte passé sous les sceaux d'Amée, abbé de Saint Etienne, de Pierre, doyen de laSainte Chapelle, et d'Aubri, doyen de chrétienté de Dijon.

Bénéficiaire: Hugues IV, duc de Bourgogne

Autres Acteurs: Jean de Marmeaux, seigneur de Ravières, Aalis sa femme, Hugues IV, duc deBourgogne, feu Hues de Tart, seigneur de Magny-sur-Tille, Amée, abbé de SaintEtienne, Pierre, doyen de la Sainte Chapelle, Aubri, doyen de chrétienté deDijon

Support: Parchemin scellé de trois sceaux sur double queue (Coulon 1367, 1088, 1176).

Lieu de conservation: AD COr B 1298.

Édition antérieure: Publié dans Maison de Chastellux, p. 341.

Verso: Registratur ^[a].

1 Ge, Jehanz de Marmeaus, sires de Ravieres, chevaliers, et ge, Aalyz, sa fanme, 2 façons savoir à touz cels qui verront et orront cels presentes lettres \2 3 que nos, porveablement, senz decevance, avons doné, baillié, outroié, delivré et quitté à noble baron nostre amé seignor Hugon, duc de Borguoine, por lui \3 et por ses hoirs, 4 tout quanque nos avons et poons avoir et devons por quelque raison que ce soit en tout l'erietaige et en touz les biens qui furent mon seignor \4 Huon de Thar, çai en arriers seingnor de Meigné suis Tyle, chevalier, qui morz est, 5 es viles et es terreours et es finaiges de Meigné suis Tyle et de Nueillé, \5 6 en terres, en prez, en homes, en mes, en maisons, en fiez, en bois, en aigues, en jostise, en seingnorie et en toutes choses queles que eles soient, senz riens \6 retenir en cels choses por nos ne por nos hoirs. 7 Et de toutes cels choses nos nos somes devestu et en avons revestu le dit duc por lui et por ses hoirs \7 et mis en possession et en seignorie. 8 Et prometons à bone foi toutes cels choses tenir et garder et que por nos ne por autrui nos n'irons encontre, sauves à nos \8 et à nos hoirs les couvenances que li dux por lui et por ses hoirs nos ai, ensi con il est contenu en unes lettres çai en arriers faites que nos avons de lui saalees \9 de son seal. 9 Et quant à cels choses, ge, Aalyz desus dite, renonçoy à toute ayde d'avoerie et de garde et à toutes aydes et à toutes graces otroiees et à outroier en fa\10vour de fanmes, à toute ayde de canon et de loys et au droit qui dit que generaux renontiations ne vaille, et voil que cels choses soient tenues conme por expresses. 10 Ou \11 tesmoingnaige de la quel chose, nos, Jehanz de Marmeaus et Aalyz desus dit, avons prié et requis et fait mettre en cels lettres les seaus es henorables homes de mon \12 seingnor Amee, abbé de Seint Estiene, de mon seignor Pierre, deien de la Chapele lou Duc, et de maistre Aubri, deien de la crestienté de Dijon. 11 Et nos, l'abbés et \13 li deien desus dit, es prieres et à la requeste des devant diz Jehan et de Aalyz, avons mis nos seaus en cels lettres en tesmoingnaige de verité. 12 Ce est fait en l'an \14 de grace mil .CC. et septante, ou mois d'ahost.

Notes de fiche
^[a] (XIV^e s.)