Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr193

1268, 8-30 avril

Type de document: charte: accord/échange

Objet: Renonciation faite par l'abbé de Fontenay à son droit d'usage sur le bois d'Etais,droit qui lui avait été donné en aumône par feu Mathieu d'Etais le Grant, pour lapart échue à la veuve de son fils, Marie de Coyon, et à leurs enfants (un quart),moyennant une rente annuelle de 45 soudées de terre viennoises assise sur leurtaille d'Etais, avec l'accord de Jean de Nesles comme seigneur du fief. voir lesdeux chartes suivantes pour le reste du bois. verso: abbaye de Fontenay

Auteur: Hugues de Bourgogne

Disposant: abbé de Fontenay, Marie de Coyon veuve de Mathieu d'Etais le Jeune, Haimonin etAdelinette ses enfants

Sceau: auteur

Bénéficiaire: disposants. l'abbaye un peu plus

Autres Acteurs: Jean de Nesles

Rédacteur: auteur/bénéficiaire (tous les hoirs de Mathieu jurent dans la main du duc, on nesait pas où, ni par qui l'abbaye est représentée. Les trois versions écrivent boisvert avec w, une rédaction par les hoirs de Mathieu est donc peu probable.)

Support: Parchemin jadis scellé d'un sceau sur double queue.

Lieu de conservation: Arch. dép., 15 H 118

Édition antérieure: Petit, t.V, n^o3598

Verso: Domine Marie de Estez super .XIV.s. vienensibusin octavis Sancti Remigiiapud Estez persolvendis ^[a].

1 Nos, Hugues dux de Bergoinne, 2 façons à savoir à touz cels qui verront ces presentes lettres que, 3 cum descorz fust antre les religieus homes l'abbé et lou \2 covent de Fontenoy de une part et ma dame Marie de Coyon, qui fu feme mon seigneur Mathier d'Estez lou Juegne, Esmonin et Adelinete, anfanz des devant \3 diz Mathier et Marie, d'autre part, 4 sor ceu que cil de Fontenoy disoient que il avoient droit de user par panre toutes meniere de bois wert et sec en la partie que \4 li devant dit Marie, Esmonins et Adelinete hont en touz les bois d'Estez, 5 c'est à savoir la quarte partie, 6 par raison dou don et de l'aumosne qui faite lor en est de \5 mon seignor Mathier lou Grant qui fu sires d'Estez, 7 à la perfin il hont pacefié et acordé amiaublement dou dit descort, si cum il hont cogneu par devant nos, par \6 lou consoil de bones genz, en tele meniere 8 que li devant dit Esmonin et Adelinete, par lou lox et par l'otroi de la devant dite Marie lor mere, donent et assient \7 fors de toute avoerie à la dite eglise de Fontenoy en herietaige perpetué ^[1] quarente et cinc sodees de terre à viennois, 9 à panre chascun an lou jor de l'utaive de la Saint \8 Remi des deniers de lor taille de la Saint Remi 10 et sus toutes lor autres issues de la dite ville d'Estez, se la taille dite ne soffisoit à paier les dites quarente \9 et cinc sodees de terre à viennois. 11 Et li diz abbés ne li covenz ne autres par aus n'avront point d'usaige de coper ne de panre bois wert ne sec en la partie \10 es devant diz Marie, Esmonin et Adelinete des devant diz bois d'Estez, 12 et lou quittent dou tout expressement se il ne l'aqueroient par eschange ou par don ou \11 par achat.
13 Et ces covenances desus dites prometent li diz abbés et li covenz, par aus et par lor eglise, à tenir et à garder fermement sanz venir encontre. 14 Et \12 li devant dit Marie, Esmonins et Adelinete les prometent ausi à tenir par lor foi donee corporement en nostre main, 15 par aus et par lor hoirs que il obligent \13 es devant dites choses tenir et garder. 16 Et welent et otroient li diz abbés et li covenz de Fontenoy, par aus et par lor eglise, 17 que les lettres qu'il \14 hont dou don que mes sire Mathiers, sires d'Estez, lor fist de ceste chose soient de nule valor quant à cest article desus dit quant à la partie des diz bois es devant diz Marie, \15 Esmonin et Adelinete, 18 ne n'am poent user cil de Fontenoy ne en droit ne defors quant au dit article vers les devant diz Marie, Esmonin et Adelinete ne vers lor hoirs. \16 19 Et hont cogneu cil de Fontenoy que ceste paiz est au profit de lor eglise. 20 Et Jehanz sires de Naeles, escuiers, vuet, loe et otroie par devant nos lou don et l'assise \17 des devant dites quarente et cinc sodees de terre à viennois conme sires dou fié. 21 En tesmoin et en ganissement de la quel chose avons nos fait metre nostre \18 seal en ces presentes lettres à la requeste des parties et dou devant dit Jehan. 22 Ce fu fait en l'an de grace mil .CC. sexante et huyt, ou mois d'avri.

Notes de fiche
^[a] (XIII^es.)

Notes de transcription
^[1] Neveu schreibt hier und in 195 "perpetue", aber ihre Lösung aus 194 finde ich besser.