Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr192

1268, 8-30 avril

Type de document: charte: reprise en fief

Objet: Reprise en fief lige du duc Hugues IV, en accroissement de son fief, faite parHugues, seigneur de Saint-Léger, avec l'accord de sa mère Agnès, de plusieurs biensautour de St-Léger pour lesquels il reçoit 260 livres viennoises. Hugues de St-Légerreprend en outre en fief du duc plusieurs livrées de terre tenues de lui par Pierrede "Montanteaume" et Guillaume de Chamilly et leurs vassaux, ainsi que par lesvassaux des moines de Maizières, et la justice des moines de Maizières, le tout tenude lui au Reulet. Gugues et Agnès se soumettent à la jurisdiction de l'évêque deChalon sans possibilité de rappel. verso: duc

Auteur: Gui évêque de Châlon

Disposant: Hugues de St-Léger

Sceau: auteur

Bénéficiaire: Hugues IV duc de Bourgogne

Autres Acteurs: Agnès dame de Saint-Léger mère de Hugues

Rédacteur: auteur

Support: Parchemin jadis scellé d'un sceau sur double queue.

Lieu de conservation: Arch. dép., B 10478

Verso: Ostun. Fiez ^[a] - Dou fyé de Saint Legier^[b] - De plusieurs choses ^[c]. - Potier ^[d].

1 Nos, Guiz par la grace de Deu avesques de Chalon, 2 faceons savair à toz ces qui verront ces presantes lettres 3 que, por ce especiaumant estaubliz en nostre presance, \2 mes sires Hugues sires de Saint Ligier, chevaliers, requenoist 4 que il prant en fié lige de noble baron Hugon duc de Bergoigne, an acroissemant dou fié 5 - c'est asa\3voir la maison de Saint Ligier que il tenoit avant dou dit duc et les choses ci dessoz nonmees, 6 c'est à-savair quatre cenz et cinquante bichoz d'avainne \4 à-la masure de Couches, sexante et sept bichoz de fromant à cele mesure chascun an randant de costume 7 et cinquante et trois sextiers de vin \5 de rante à cele mesure meismes, 8 les quelx devant dites choses sunt ou parrochaige et an la seignorie de Saint Ligier, 9 - sexante et cinc meignies \6 d'onmes estanz et demoranz à Saint Ligier et ou parrochaige de la dite ville 10 es quelx l'on-fait et puet faire, si con li diz chevaliers afferme par devant \7 nos, sex vinz livres de taille chascun an, ansamble lor possessions et totes lor demeneures, 11 c'est à savair quarante soitures de pré et doze \8 vinz jornauz de terre gaignauble et deus molins et un boteour et un basteour 12 qui valent chascun an de rante, si con il dit, sexante bichoz de \9 saigle et sexante bichoz d'avaine à la mesure de Couches et dis livres an deniers, et sept vinz ouvrees de vignes an un clous et trois muis \10 de vin des quars sextiers chascun an de rante, 13 et lou bois dou Pissat, et lou bois dou Ruperrous, lou bois de Chassaignoles, lou bois d'Ivrey, 14 quarante \11 soz de cens que autres genz defors tiennent, 15 et la blaierie et la clouserie de Saint Ligier, 16 et six vinz gelines, 17 et meesmemant totes les choses que \12 il a ou puet avair an-totes menieres de raison an la dite ville de Saint Ligier et ou parrochaige de cele ville et appendises et apertinances \13 de cele ville et dou parrochaige devant dit, 18 ce fait ^[1] assavair an honmes, en lor tenemanz, en lor demeneures, en mex, en hoiches, en prez, en \14 vignes, en terres gaignaubles, en cens, en costumes, en pasquiers, en aigues, en pascheries, en bois, en plains, en justises et en seignories granz \15 et petites, 19 en toutes autres choses queque eles soient et de queque nom eles soient appalees sanz riens retenir, 20 les quelx devant dites choses en\16sinc con eles sunt desus nonmes, especiaument, generamant, li diz Hugues sires de Saint Ligier, requenoist et afferme par devant nos estre de son \17 propre herietaige et de son propre alué, quites et franches de tot autre fié et de tot autre servitute, 21 les quelx choses desus dites li diz Hugues de \18 Saint Ligier promat par devant nos et est tenuz par son sairemant de son cors doné par devant nos sus saintes Euvangiles et sus l'anloiemant de toz \19 ses biens muebles et heritaiges presanz et à-venir, por lui et por ses hoirs, garantir et tenir an pais au dit duc et à ses hoirs à toz jors.
22 Et totes \20 ces choses ainci con eles sunt dites par dessus, dame Agnex de Saint Ligier sa mere vuet et outroie par devant nos ces choses 23 et les tient \21 agreaublemant por-faites. 24 Et asavoir est que, por totes ces choses que il prant an-fié dou duc, qu'il an aü et receu dou devant dit duc troze \22 vinz livres de viennois en deniers nombrez 25 et s'an-tient por-paiez. 26 Et an aprés li diz Hugues de Saint Ligier prant en-fié dou di duc vint \23 livrees de terre que mes sires Pierres de Montanteaume et mes sires Guilleaumes de Chamillé, chevaliers, tiennent an-fié de lui à Ruelee en parroche \24 de Saint Ligiers, 27 ce fait assavait ^[2] en honmes, en bois et en autres choses; 28 derrechief vint livrees de terre que Jahannins de Lusigné, Jahannins \25 de Monestay et Robers Bellanz tiennent d'aus en-fié en celui finaige; 29 derrechief la jostise et la seignorie de tot quanque li moynes de Mai\26seres tiennent an celui finaige 30 en honmes, en bois, en prez, en justises, en seignories granz et petites, 31 derrechief cent soudees de terre et \27 de rante que mes sires ^[3] Hugues de Chasteaul Morun, chevaliers, tient d'aus en celui finaige; 32 derrechief vint et cinc soudees de terre que Perroz, \28 donzeaus, tient d'aus an-fié an celui finaige; 33 derrechief dis livrees de terre que Arduins de Saint Ligier et ses freres tiennent an-fié \29 d'aus an celui finaige meesmes, 34 ansinc con li dit Hugues et dame Agnex sa mere ont recoigneu et affermé par devant nos que totes ces \30 choses sunt verais ansic con eles sunt desus devisees. 35 Et renuncent li diz Hugues de Saint Ligier et dame Agnex sa mere expressemant an \31 ce fait sus la religion de son sairemant devant dit à tote action, à tote exception, meesmemant au-drait qui dit que generauz renunciacions \32 ne vaut pas.
36 Et vuelent et outroient li diz Hugues et sa mere que, 37 s'il viennent ancontre ces choses ou contre aucunes de ces choses, 38 que nos \33 ou l'avesques de Chalon qui sera à-ce tans les contraigiens ^[4] par jostise de sainte Eglise en queque leu qu'il demoreient; 39 et se ^[5] soumetent à la jurisdiction \34 de nostre cort sanz rapeal d'autre cort. 40 En tesmoignaige de la quel chose, par la priere et par la requeste des ^[6] diz Hugue et de sa mere, nos \35 avons mis an-ces presantes latres nostre seal, 41 qui furent faites et donnees à Chalon, an-l'an de nostre Seignour. M^o. CC^o. sexante et huit, \36 ou mois d'avril.

Notes de fiche
^[a] (XIV^e s.)
^[b] (XIV^e s.)
^[c] (XV^e s.)?
^[d] (XV^e s.)

Notes de transcription
^[1] Sic.
^[2] Sic.
^[3] Suivi de sires, répété par erreur et exponctué.
^[4] Sic.
^[5] Suivi de ngratté.
^[6] sdans l'interligne.