Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr191a

1268, mars

Type de document: charte: vidimus

Objet: Vidimus de la version plus longue de l'acte précédent.

Auteur: Haimon abbé de Saint Bénigne de Dijon

Disposant: Hugues célérier de St-Bénigne de Dijon

Sceau: auteur

Bénéficiaire: prieur de Larrey

Rédacteur: auteur

Support: Parchemin jadis scellé d'un sceau sur double queue.

Lieu de conservation: Arch. dép., 1 H 1702

Verso: Chivres ^[a]

1 Nos, frere Haymes abbés de Saint Benigne de Dijon, 2 façons savoir à toz ces qui verront ces presentes lettres 3 que nos unes lettres \2 saalees dou seal nostre prior de Saint Benigne de Dijon ci desoz contenues avons vehues et esgardees et oïes mot à mot, 4 des queles la tenors \3 es tele:
5 En non dou Pere et dou Fil et dou Saint Esperit. 6 Nos, frere Hugues celeriers de Saint Benigne de Dijon, de mon signor l'abbé de \4 ce moismes moustier conmandemenz et delegaz en totes les choses qui apartienent à sa juridicion, façons savoir à toz ces qui verront ces pre \5sentes lettres 7 que, cum cause fust par devant nos entre Odot Lodier d'Argillé et sa fenme d'une part et le prior de Layré d'autre part, \6 8 sor cen que li diz Odoz et sa fenme disoient et demandoient 9 que il et lor devantier ont usé es chaignes ou bois de Chivres bien ha .X. anz ou plus, \7 10 por lor ardoir et por faire lor volonté tote, sans ^[1] vendre et sans donner et sans contredit de nul honme, jusque au jor de hui et sans vé de droit, \8 11 par la raison de la devant dite fenme dou devant dit Odot Lodier 12 et por la raison de ce qu'il en doivent au signor de Truigné et au prevost d'Argillé, \9 13 ce est asavoir pain et vin et char, 14 et por cen il dient que il hont lor usaige es chaignes cunme serjanz que il sunt dou dit bois; 15 la dite cause en\10tamee par devant nos 16 et la dite demande mise en ny de par le dit prior en jugement, 17 et les tesmoingz amenez de par le dit Odot et sa fenme \11 à prover lor entencion sus les dites choses, 18 les diz tesmoingz jurez devant les dites parties et diligenment examinez et aprez publiéz, 19 et oïes \12 et entendues les raisons proposees contre les devant diz tesmoingz et contre lor diz, 20 nos assignanmes jor au dit Odot et à sa fenme 21 et à pro\13poser, s'il lor plaisoit, raisons ou allegations contre les dites raisons dou dit prior 22 et à faire cen qu'il porroient faire par droit. 23 Et sor ce, \14 pluisors jors aprés, à Odot et à sa fenme devant diz et au dit prior assignez, 24 li diz Odoz et sa fenme n'i vindrent ne attendirent, 25 le dit prior de \15 Layré attendant tant cum il dut. 26 Totes les choses devant dites diligenment examinees, conneues et encerchies, et l'ordre de droit par tot et \16 en totes manieres gardee, 27 nos as dites parties avons pluisors foies assigné jor à dire et à oïr droit en ceste presente querele 28 por ^[2] ce que plus \17 maürement et miez en peussons dire et rendre droit. 29 A la parfin, le jor dou venredi pruchain aprés la Purification Nostre Dame, ce est \18 à dire lou lendemain de la Purification devant dite, assigné as dites parties par devant nos à Dijon à dire droit trenchiement sor les \19 dites choses, 30 au dit jor le dit prior establi en jugement par devant nos et demandant et requerant que nos pronuncissons et denossions senten \20ce diffinitive sus les dites choses, 31 li diz Odoz et sa fenme n'i furent ne attendirent. 32 Et ensinc la deffaute et la contumace dou dit Odot et \21 de sa fenme por la presence de nostre signor replenie selon cen que drois dit, 33 nos, dou consoil de bonnes genz, de saiges et de discrez honmes, 34 de la \22 demande de Odot et de sa fenme devant diz assoillons le dit prior par sentence diffinitive ou non dou prioré de Layré et de Chivres. 35 Et \23 nos, por cen que nos n'aviens nostre seal en present, ou tesmoingnaje et ou garnissement de ces choses, avons fait metre le seal le prior \24 de Saint Benigne de Dijon, nostre eglise devant dite, en ceste presente sentence. 36 Et nos, li priors de Saint Benigne devant diz, i avons \25 mis nostre seal en ceste presente sentence et en cest present escrit. 37 Ce est fait et donné à Dijon lou venredi dessuz dit en l'an de grace \26 .M.CC.LX. et sept. 38 Le quel jugement et la quele sentence et le quel droit nos, frere Haymes abbés de Saint Benigne dessuz diz, loons, \27 volons, confermons et approvons ensi cum il est dessuz contenu. 39 Ou tesmoing de la quel chose, nos avons mis nostre seal en ces presentes lettres. \28 40 Ce est fait et donné en l'an de grace mil et .CC. et sexante et sept, ou mois de mars.

Notes de fiche
^[a] (XIV^e-XV^e s.)

Notes de transcription
^[1] sfinal corrigé sur z.
^[2] pmajuscule, corrigé sur pminuscule.