Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr191

1268, 3 février

Type de document: charte: sentence

Objet: acte identique au précédent, mais avec un membre de phrase ajouté à la premièreexpédition (lignes 4-5)

Auteur: Hugues célerier de Saint Bénigne de Dijon

Sceau: prieur de Saint Bénigne

Bénéficiaire: prieur de Larrey

Rédacteur: auteur

Scribe: derselbe wie in 190: cen statt ceu, tesmoingnaje

Support: Parchemin jadis scellé d'un sceau sur double queue.

Lieu de conservation: Arch. dép., 1 H 1702

Verso: La sentance diffinitive contre Odot Lodier d'Argiller et safenme ^[a]. - De Chivres^[b]

1 En non dou Pere et dou Fil et dou Saint Esperit. 2 Nos, frere Hugues celeriers de Saint Benigne de Dijon, de mon signor l'abbé de ce meismes \2 mostier conmandemenz et delegaz en totes les choses qui apartienent à sa juridition, 3 façons savoir à toz ces qui verront ces presentes lettres que, \3 4 cum cause fust par devant nos entre Odot Lodier d'Argillé et sa fenme d'une part et le prior de Lairé d'autre part, 5 sor cen ^[1] que li ^[2] diz Odoz et \4 sa fenme disoient et demandoient 6 que il et lor devantier ont usé es chaignes ou bois de Chivres bien ha .XL. anz ou plus, 7 por lor ardoir et por \5 faire lor velunté tote, sans vendre et sans donner et sans contredit de nul honme, jusque au jor de hui et sans vé de droit, 8 por la raison de la de\6vant dite fenme dou devant dit Odot Lodier 9 et por la raison de ce qu'il en doient au signor de Truigné et au prevost d'Argillé, 10 ce est asavoir pain \7 et vin et char, 11 et por cen il dient que il ont lor usaige es chaignes cunme serjanz que il sunt dou dit bois; 12 la dite cause entamee par devant nos \8 13 et la dite demande mise en ny de par le dit prior en jugement, 14 et les tesmoingz amenez de par le dit Odot et sa fenme à prover lor entention \9 sus les dites choses, 15 les diz tesmoingz jurez devant les dites parties et diligenment examinez et aprés publiés, 16 et oïes et entendues les raisons pro\10posees contre les devant diz tesmoingz et contre lor diz, 17 nos assignanmes jor au dit Odot et à sa fenme 18 à propose, r s'il lor plaisoit, raisons ou alle\11gations contre les dites raisons dou dit prior 19 et à faire ce qu'il porroient faire par droit. 20 Et sus ce pluisors jors aprés, à Odot et à sa fenme devant \12 diz et au dit prior assignez, 21 li diz Odoz et sa fenme n'i vindrent ne attendirent, 22 le dit prior de Layré attendant tant cum il fut ^[3]. 23 Totes les choses \13 devant dites diligenment examinees, conneues et encerchies, et l'ordre de droit par tot et en totes manieres gardee, 24 nos as dites parties avons \14 pluisors foies assigné jor à dire ou à oïr droit en ceste presente querele 25 por cen que plus maürement et mieuz en peuissons dire et rendre droit. \15 26 A la parfin, le jor dou venredi pruchain aprés la Purification Nostre Dame, ce est à dire lou lendemain de la Purification devant dite, assigné \16 as dites parties par devant nos à Dijon à dire droit trenchiement sor les dites choses, 27 au dit jor le dit prior establi en jugement par devant \17 nos et demandant et requerant que nos pronuncissons et denoissons sentence diffinitive sus les dites choses, 28 li diz Odoz et sa fenme n'i furent ne \18 attendirent. 29 Et ensinc la deffaute et la contumace dou dit Odot et de sa fenme par la presence de nostre signor replenie selon cen que drois dit, 30 nos, \19 dou consoil de bonnes genz, de saiges et de discrez honmes, 31 de la demande de Odot et de sa fenme devant diz assoillons le dit prior par sentence \20 diffinitive ou non dou prioré de Lairé et de Chivres. 32 Et nos, por ce que nos n'aviens nostre seal en present, ou tesmoingnaje et ou garnissement \21 de ces choses, avons fait metre le seal le prior de Saint Benigne de Dijon, nostre eglise devant dite, en ceste presente sentence. 33 Et nos, li pri\22ors de Saint Benigne devant diz, i-avons mis nostre seal en ceste presente sentence et en cest present escrit. 34 Ce est fait et donné à Dijon lou ven\23redi dessuz dit en l'an de grace .M.CC.LX. et sept.

Notes de fiche
^[a] (XIII^e s.)
^[b] (XIV^e s.)

Notes de transcription
^[1] Sic: nplongeant.
^[2] lcorrigé sur d.
^[3] sic