Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr190

1268, 3 février

Type de document: charte: sentence

Objet: Sentence rendue par Hugues, célerier de Saint Bénigne de Dijon, exerçant la justicepour l'abbé, déboutant au profit du prieur de Larrey Odot Lodier et sa femme deleurs prétentions à l'usage des chênes au bois de Chivres en tant que sergents dubois, par suite de leur défaut à comparaître. voir aussi 191 et 191a. verso/numéro:voir 158.

Auteur: Hugues célerier de Saint Bénigne de Dijon

Sceau: prieur de Saint Bénigne

Bénéficiaire: prieur de Larrey

Rédacteur: auteur

Support: Parchemin jadis scellé d'un sceau sur double queue

Lieu de conservation: Arch. dép., 1 H 1702

Commentaire: viele ablativi absoluti zum Gerichtsverfahren.(div 10-14, 18,20-21,24-25, 27).Beginnt die Dispositio schon mit 27?

Verso: Chivres ^[a]

1 En non dou Pere et dou Fil et dou Saint Esperit. 2 Nos, frere Hugues celeriers de Saint Benigne de Dijon, de mon signor l'abbé de meismes \2 mostier conmandemenz et delegaz en totes les choses qui apartienent à sa juridition, 3 façons savoir à toz ces qui verront ces presentes lettres que, 4 cum \3 cause fust par devant nos entre Odot Lodier d'Argillé et sa fenme d'une part et le prior de Layré d'autre part, 5 sor cen ^[1] que li diz Odoz et sa fen \4me disoient et demandoient 6 que il et lor devantier hont usé es chaignes ou bois de Chivres bien ha .XL. anz ou plus, 7 por la raison de la \5 devant dite fenme dou devant dit Odot Lodier 8 et por la raison de cen qu'il en doient au signor de Truigné et au prevost d'Argillé, 9 ce est asavoir \6 pain et vin et char, 10 et por ce il dient que il hont lor usaige es chaignes cunme serjanz que il sunt dou dit bois; 11 la dite cause entamee par de\7vant nos 12 et la dite demande mise en ny de par le dit prior en jugement, 13 et les tesmoingz amenez de par le dit Odot et sa fenme à prover lor \8 entention sus les dites choses, 14 les diz tesmoingz jurez devant les dites parties et diligement examinez et aprés publiez, 15 et oïes et entendues les \9 raisons proposees contre les devant diz tesmoingz et contre lor diz, 16 nos assignanmes jor au dit Odot et à sa fenme 17 à proposer s'il lor plaisoit rai\10sons ou allegations contre les dites raisons dou dit prior 18 et à faire cen qu'il porroient faire par droit. 19 Et sor cen pluisors jors aprés, à \11 Oudot et à sa ^[2] fenme devant diz et au dit prior assignez, 20 li diz Odoz et sa fenme n'i vindrent ne attendirent, 21 le dit prior de Layré attendant \12 tant cum il dut. 22 Totes les choses devant dites diligenment examinees, conneues et encerchies, et l'ordre de droit par tot et en totes manieres \13 gardee, 23 nos as dites parties avons pluisors foies assigné jor à dire ou à oïr droit en ceste presente querele 24 por cen que plus maürement \14 et mieuz en peussons dire et rendre droit. 25 A la parfin, le jor dou venredi pruchain aprés la purification nostre Dame, ce est à dire lou \15 lendemain de la Purification devant dite, assigné as dites parties par devant nos à Dijon à dire droit trenchiement sor les dites choses, \16 26 au dit jor le dit prior establi en jugement par devant nos et demandant et requerant que nos pronuncissions et denoissions sentence \17 diffinitive sus les dites choses, 27 li diz Odoz et sa fenme n'i furent ne attendirent. 28 Et ensinc la deffaute et la contumance dou dit Odot et \18 de sa fenme par la presence de nostre signor replenie selon cen que drois dit, 29 nos, dou consoil de bonnes genz, de saiges et de discrez honmes, 30 de \19 la demande de Odot et de sa fenme devant diz assoillons le dit prior par sentence diffinitive ou non dou prioré de Layré et de Chivres. \20 31 Et nos, por cen que nos n'aviens nostre seal en present, ou tesmoingnaje et ou garnissiment de ces choses, avons fait metre le \21 seal le prior de Saint Benigne, nostre eglise devant dite, en ceste presente sentence. 32 Et nos, li priors de Saint Benigne devant diz, \22 i-avons mis nostre seal en ceste presente sentence et en cest present escrit. 33 Ce est fait et donné à Dijon lou venredi dessuz dit en \23 l'an de grace .M.CC.LX. et sept.

Notes de fiche
^[a] (XIV^e s.)

Notes de transcription
^[1] Sic: nplongeant.
^[2] sa répété par erreur?