Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr187

1267, décembre

Type de document: charte: donation

Objet: Donation en aumône faite par Guillaume, seigneur de Marigny, avec l'accord de safemme Yolande et de son fils Guillaume, pour son fils Haimonin, hospitalier deBeaune, au maître Guillaume Hure et à l'hôpital de Beaune de 5 setiers de blé, dont2 sont assis sur le moulin de Crugey et 3 sur le moulin de Marigny.

Auteur: Guillaume de Marigny

Sceau: auteur

Bénéficiaire: hôpital de Beaune

Autres Acteurs: Yolande femme de Guillaume, Guillaume fils de Guillaume

Rédacteur: auteur/bénéficiaire

Support: Parchemin jadis scellé d'un sceau sur double queue.

Lieu de conservation: Arch. dép., 113 H 1224

Édition antérieure: Petit, t.V, n^o 3582

1 A touz ces qui verront ces presentes letres, 2 je, Guillaumes sires de Marrigner chevalier, 3 fais \2 à savoir 4 que je, por lou los et por l'assentement de dame Yolant ma famme et de Guillaume, \3 damoiseaul, mon fil, don an aumonne por à toz jours Deu et à la seinte maison de l'ospital de Jherusalem \4 de Beaune, por raison de Hemmonin mon fil, chevalier et frere dou dit hospital, .V. sestiers \5 de blé à la mesure de Sumbernon; 5 des ques les doues sestieres sunt assises à la vile de Cruger \6 sus le molin, ce est à savoir moitié fromant et moitié avoine; 6 et les autres troys sestieres \7 je assié sus mon molin qui est assis desoz Marrigner, ce est à savoir moitié moture et motié \8 avoine.
7 Et ces don desus escrit nos, Yolanz, dame de Marrigner, et je, ^[1] Guillaumes, damoiseauz \9 desus diz, volons, ^[2], louons et outroions. 8 Et je, Guillaumes desus diz, sires de Marrigner, moy \10 desvestanz dou devant dit blé et de celui vestanz frere Guillaume Hure, maistre de \11 la maison dou dit hospital de Beaune, ou non dou dit hospital, suis tenuz et promot an bone \12 foy la devant dite aumonne au dit hospital contre touz deffandre et en paiz à garan\13tir, 9 et contre la dite aumonne por nos ou por autres persones non pas venir. 10 Ou tes\14moignaige et an la remanbrance de la quel chose, je, Guillaumes sires de Marri\15gner desus diz, an ces presentes letres a mis mon seaul. 11 Ce est fait an l'an de nostre \16 Seignour mil .CC.LX. VII., ou mois de deloyr.

Notes de transcription
^[1] jerajouté après coup entre etet Guillaumes.
^[2] vrefait sur un dgratté.