Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr181

1267, mai

Type de document: charte: vente

Objet: Acte identique au précédent, mais sous le nom de Hugues IV. Vente faite par Jean deChamplitte, avec l'accord de sa femme Isabelle, au Temple de Bures et d'Epailly dela moitié de l'acquêt fait par sa grand-mère et son mari aux finages de Louesme etThoires, du fief du Temple, aux prix de 100 livres tournois.

Auteur: Hugues de Bourgogne

Disposant: Jean de Champlitte

Sceau: auteur

Bénéficiaire: Temple d'Epailly

Autres Acteurs: Isabelle femme de Jean

Rédacteur: auteur/bénéficiare

Support: Parchemin jadis scellé d'un sceau sur double queue

Lieu de conservation: Arch. dép., 111 H 1186

Verso: Loisme et Thoire ^[a].

1 Nos, Hugues dux de Borgoingne, 2 façons savoir à touz cels qui verront et orront cels presentes lettres 3 que, por ce establiz specialment en nostre pre\2sence, Jehanz de Chanlite, damoiseaus, genres mon seingnor Robert, seingnor de Bere, chevalier, en leal aaige, fors de toute avoerie et de sa propre velonté, si conme il di\3soit, 4 ai vensu ^[1] et otroié et quitté en herietaige perpetuel à frere Martin, conmendour de Bures et d'Espaillé, et as freres de la chevalerie dou Temple de cels diz leus, 5 la moitié de \4 tout l'acquest que dame Perrote sa grant mere et Guillaumes diz li Borgnes, de Fullenies, chevaliers, qui mariz fu à la dite Perrotte, firent entre els lou mariage durant 6 es viles et \5 es apartenances et es finaiges de Looyme et de Thoire, 7 en bois, en prez, en vignes, en terres, en coustumes, en aigues, en homes, en tailles, en corvees 8 et trainchiement tout le droit qu'il \6 avoit et pooit et devoit avoir en quel que meniere que ce fust et por quelcumque cause es devant dites viles de Looyme et de Thoire et es apartenances, 9 les quex choses toutes sont dou fié \7 dou Temple, si conme li diz Jehanz ai cogneu par devant nos. 10 Ceste vendue li devant dit Jehanz ai faite au devant dit frere Martin, por lui et por les freres dou Temple, 11 ou pris \8 de cent livres de la monoie de tornois bons et leaus, 12 des quex il s'est tenuz por paiez par devant nos en deniers numbrez.
13 Et s'est devestuz li diz Jehanz, por lui et por ses hoirs, des de\9vant dites choses et de chascune par soi 14 et en ai vestu et mis en corporel saisine lou dit frere Martin, por lui et por les freres de la chevalerie dou Temple devant nomez, 15 promettenz par lou sa\10irement de son propre cors por lui et por ses hoirs doné corporelment en nostre presence, atoichant la saint Euvangile, 16 que contre les dites vendue, quittance, otroiance, corporel saisine n'ira ne \11 consentira à aler par lui ne par autre ou par autres 17 en quel que meniere que ce soit, en fait, en dit, en consoil, en consentement ne en autre meniere. 18 Et seur ce il ai promis aporter garantie envers \12 ses hoirs chaloingenz et envers toutes ses serors au devant dit frere Martin, conmendeour de Bures et d'Espaillé, et es freres de la chevalerie dou Temple des devant diz leus et à cels qui venront \13 aprés els, 19 et en ai obligié touz ses biens mobles et non mobles aquis et à aquerir, quel que part qu'il soient trouvé, en la main dou dit frere Martin et des diz freres et de lor successors; 20 et meismement \14 à toutes cels choses garder et tenir fermement et pardurablement sanz corrumpre, il ai enloié ses hoirs presenz et à-venir.
21 Et ceste vendue et toutes les couvenances desus contenues Ysabeaus, fanme \15 dou dit Jehan, a loé, voulu et otroié, en nostre presence establie por ce specialment, 22 et ai promis par devant nos par son sairement corporelment douné sus saintes Euvangiles 23 que ele contre cels convenances \16 n'irai ne fera ne consentira ne souffrerrai que autres i-aut, 24 por raison de doaire ne de mariage ne d'autre droit ne en nule meniere quele que ele soit. 25 Et ont renuntié en cest fait li devant dit Jehanz \17 et Ysabeaus, por els et por lor hoirs, 26 à l'exception de decevance et à l'exception de vendue de moins de la moitié de droit pris et à l'exception de deniers non numbrez et non bailliez 27 et à toutes autres exceptions \18 et aides de droit de crestienté et de poesté de touz establissemenz et de coustumes de païs et de terres 28 qui porroient aidier ne valoir à els et à lor hoirs contre ce et nuire au devant dit frere Martin ne as diz \19 freres ne à lor successors, 29 et meismement à l'exception de doaire et à toute aide otroïe et à otroier en favour de fanmes. 30 Ou tesmoignage et ou garnissement et en memoire des quex choses, nos, \20 Hugues dux de Borgoingne devant diz, as prieres et à la requeste de Jehan et de Ysabeaul devant nomez, 31 nos avons fait mettre nostre seal en cels presentes lettres. 32 C'est fait en l'an de grace \21 .M.CC. sexante et sept, ou mois de may.

Notes de fiche
^[a] (XV^e s.)

Notes de transcription
^[1] sic