Accueil>Les corpus textuels>Charte chCOr178

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr178

1266, avril ou 1-16 avril 1267

Type de document: charte: abonnement

Objet: Abonnement accordé aux hommes de Bligny-sur-Ouche par le doyen et le chapitred'Autun, au prix de 100 livres de tournois tous les 5 ans. verso: chapitred'Autun

Auteur: Girart évêque d'Autun, Hugues de Bourgogne

Disposant: Doyen et chapitre d'Autun

Sceau: auteurs

Bénéficiaire: disposant

Rédacteur: auteurs (disposant)

Support: Parchemin jadis scellé de deux sceaux sur double queue, dont subsistent des fragmentsde celui de gauche.

Lieu de conservation: Arch. dép., G 812

Édition antérieure: Garnier, t.III, p.419.

Verso: Littera de .C. lb. [...] [a] debitis abhabitantibus de Beligné de quinqu[annium][b] in quinquan[nium] [c] [d].

 1 Nos, Girarz por la grace de Deu avesques d'Ostun, et nos, Hugues dux de Borgoigne, 2 façons savoir à touz cels qui verrunt \2 ces presentes lettres 3 que, cum li home de la vile et de la poosté de Beligné sor Osche, qui sunt home dou.. doyen et dou.. chapitre \3 d'Ostun, fussent tenu de rendre et de paier au dit.. doyen et au.. chapitre la subvention et la queste que il meissent sor aux, 4 ce est à savoir \4 por l'Apostoile, por le roi, por famine, por lor clostre d'Ostun fermer ou por terre achater 5 et totes les foiz que li.. doyens et li chapitres devant \5 dit veïssent qu'il lor fust besoinz et proaiges, 6 et li dit home s'en tenissent por grevez, 7 li devant dit.. doyens et chapitres, por le conseil de \6 prodomes, ont ces cas amesurez por l'assenement et por la volenté des diz homes 8 en tel maniere que li dit home et lor successor sunt tenu de \7 paier de cinc anz en cinc anz, toz tans mais, 9 cent livres de tornois le jor de la Saint Andrier au dit.. doyen et au chapitre ou à lor conmandement, \8 10 en tel maniere que li dit home et lor successor sunt et remanent enloié au dit.. doyen et au chapitre en jurisdictions, en seignories, en \9 jostises, en servises, en cens, en costumes, en redevances et en condictions conme devant, exceptez les cas desus amesurez. 11 Et por ces lettres et por \10 le dit amesurement, profiz ne franchise ne lor est donee fors li profiz de l'amesurement des cas devant diz, 12 que s'il avenoit que li dit home ou lor \11 successor ou aucun d'aux feissent atre seignor que le.. doyen et le chapitre desus diz, 13 cil qui autre seignor feroient n'en porteroient et n'avroient, \12 por raison dou dit amesurement ou de ceste presente lettre, franchise quelqu'ele fust tant cum il seroient en autre seignorie, 14 fors que tant cum \13 il en avoient devant, se point en avoient, 15 et ne se porroient aidier de ces lettres ne dou dit amesurement contre le.. doyen et le chapitre \14 devant diz tant cum il seroient en autre seignorie. 16 Totes ces choses et une chascune desus dites li diz doyens et li chapitres ont promis à tenir \15 et à garder en bone foi, 17 et li dit home, por aux et por lor successors, lont juré sor sainz Euvangiles et promis à tenir et à garder. 18 Et ont volu et outroié li dit \16 home, por aux et por lor successors, 19 que, se il defailloient dou paiement des dites cent livres ou de partie des dites cent livres celonc ce qu'il est \17 devisé por desus, 20 que li dit.. doyens et chapitres puissent gaigier les diz homes et esploitier senz contredit. 21 Et nos, li devant diz Girarz, ou cil qui \18 avesques seroit au tans, sumes tenu à la requeste dou dit.. doyen et chapitre de contreindre por sentence d'esconmuniement les diz homes et lor successors \19 à faire le dit paiement enterinement ausic cum il est devisé por desus et de tenir la sentence jusque à pleine satisfaction. 22 Et nos, li devant diz.. dux, \20 ou cil qui.. dux seroit à celui tans, les en contreindriens quant li dit.. doyens et chapitres nos en requerroient. 23 Et por ce que ceste chose soit ferme \21 et estable à toz jors, nos,.. devant diz avesques, et nos, devant diz.. dux, avons mis nos seaus en cestres presentes lettres, 24 por la requeste dou \22 doyen et dou chapitre d'Ostun et des homes devant diz. 25 Ce fu fait et doné ou mois d'avril, en l'an de l'incarnation nostre Seignor mil \23 dous cenz sexante et sis anz.
Notes de fiche
[a] Effacé.
[b] Effacé.
[c] Effacé.
[d] (XIVe s.)