Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr177

1266, avril ou 1-16 avril 1267

Type de document: charte: pariage

Objet: Contrat de pariage entre Agnès, abbesse de Remiremont, et le duc Hugues IV sur ce quepossède l'abbaye dans le diocèse de Chalon, sauf l'hôpital de Marlot qui resteentièrement à l'abbaye. verso: duc?

Auteur: abbesse et couvent de Remiremont

Sceau: auteur

Bénéficiaire: Hugues IV duc de Bourgogne

Rédacteur: auteur/bénéficiaire

Support: Parchemin jadis scellé de deux sceaux sur double queue dont subsiste à droite celuidu couvent (Coulon 1304)

Lieu de conservation: Arch. dép., B 1085

Verso: Registrata est ^[a]. - Chalonet autres encor. De Mellou. Compaignie^[b].

1 Nos, Agnés per la grace Deu abbausse de Remerimont, et toz li covenz d'icel meisme leu, 2 faisons savoir à toz ceoz qui ces lettres voiront ou or\2ront 3 que nos, per consoil de boinne gent et por lo profeit de nostre egleyse, 4 avons acompaingnié lo noble baron Hugon duc de Borgoingne, à toz jors, por lu \3 et por ses hoirs, 5 en tot quanque nos avons en la dyocese de Chalon 6 en homes, en terres, en prez, en vignes, en boix, en rentes, en censes et en \4 totes autres choses, 7 fors soulement en l'ospital de Merlot et es biens que nos avons assigné à cel hospital por l'ospitalitei maintenir, 8 ensi cum \5 il est contenu es lettres qui en sunt faites saellees ^[1] de nos saelz et dou sael à davant dit duc, 9 lo quel hospital o toz ses biens nos avons re\6tenu sens partie dou duc davant dit et de ses hoirs. 10 Et as choses devant dites avons nos acompaingnié lo duc davant dit, lu et ses hoirs, \7 11 en tel maniere et per tel condition que icil dus et seu hoir les nos doient aidier à garder, à maintenir et à deffendre vers totes gens, \8 12 et à raquester les choses alienees ^[2] et ramener à droit et à la proprieté de nostre egleyse en conmuns despens à lor pooir en boinne foi; 13 et \9 que en totes ces choses et en totes les acrues que on i fera, en quelque maniere que ce soit, nos i avrons la moitié entieremant et il l'autre. 14 Ne il ne \10 sei hoir n'i puent rien aquester ne avoir sens nos en nule maniere, ne ban, ne justice, ne seingnerie ne autre chose, 15 ne en ces choses ne partira nuns \11 de ses hoirs fors cil qui iert dus de Borgoingne. 16 Et doient totes ces choses davant dites et totes les acrues que on i fera estre conmunes à toz jors à nos, \12 à lui et à ses hoirs. 17 Ne il ne sei hoir ne puent ces choses aliener en nule maniere d'alienation ne mettre en autre main ne en autre garde. 18 Et \13 à totes ces covenances garder en boinne foi et leaument à toz jors sens nos tort fair a il enloié lui et ses hoirs per son sairement. 19 Et nos autresi \14 nos somes enloiees ^[3] per nos sairemanz à tenir à davant dit duc et à ses hoirs à toz jors ceste compaingnie, 20 sens rapeler et sens aler encontre \15 per nos ne per autre. 21 Et en cest fait avons nos renuncié, por nos et por nos successors, à toz privileiges, à totes exceptions de fait et de droit, \16 et à toz benefices de droit, d'usaige et de costume, 22 et à totes les choses qui aidier nos porroient et grever à davant dit duc et à ses \17 hoirs et per quoi nos porriens resaillir des covenances davant dites, et tot ou en partie. 23 Et por ce que ces choses soient fermes et estables à toz \18 jors, avons nos fait seeller ces presentes lettres de nos saelz, 24 qui furent faites ou moix d'avril, en l'an que li miliaires corroit per mil et dous \19 cenz et sexante et seix ans.

Notes de fiche
^[a] (début XIV^e s.)
^[b] (XIV^e s.)

Notes de transcription
^[1] Les deux efinaux accentués.
^[2] Les deux efinaux accentués.
^[3] Les deux efinaux accentués.