Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr175

1266, novembre

Type de document: charte: échange

Objet: Echange entre Hugues, comte de Vienne et seigneur de Pagny, et Hugues IV, duc deBourgogne. Hugues reçoit du duc plusieurs fiefs et 2000 livres viennoises, et encontrepartie reprend en fief de lui Seurre et lui donne Laperrière, Saint-Seine,Echenon et ses fiefs de Foucherans. voir aussi: 176, 185. verso: duc

Auteur: Hugues comte de Vienne et seigneur de Pagny

Disposant: auteur, Hugues IV doc de Bourgogne

Sceau: auteur

Bénéficiaire: disposants (plutôt Hugues, comme il a paié)

Rédacteur: disposants

Support: Parchemin scellé d'un sceau sur double queue, rond, équestre, avec contre-sceau rond,cire blanche.

Lieu de conservation: Arch. dép., B10477

Édition antérieure: Pérard p. 514

Verso: Odot scripsit ^[a]. - De Clus et deSeurre et des fiez et de l'eschange ^[b]. - Acquez outre Saone ^[c]. - Dijon. Suerre por le fyé ^[d]. - Poitier. De fyé de Seurre et de l'acquest de laPerriere ^[e]

1 A touz cels qui verrunt ces presentes lettres, 2 nos, Hugues cuens de Vienne et sires de Paigné, 3 façons à savoir 4 que entre noble baron nostre amé \2 seignor Hugon duc de Borgoigne, por lui et por ses hoirs d'une part, et nos, Hugon conte de Vienne et seignor de Paigné, por nos et por nos hoirs d'autre \3 part, est fait marchiez, eschanges et covenances si cum il est ici desouz escrit. 5 Ce est à savoir que li diz nobles bers Hugues dux de Borgoigne, por lui et por ses hoirs, \4 done à nos et à nos hoirs en fié 6 la grange de Clux et les apartenances, en bois, en terres, en aigues, en jostises, en costumes, ensamble totes les droitures, por quelque non \5 qu'eles soient apelees, qui apartienent à la dite grange. 7 Et li diz.. dux por lui et por ses hoirs nos a promis la dite grange et les apartenances contre totes genz à garantir \6 tant que a droit 8 en tel maniere que se mes sire Henriz nostre freres en_portoit riens dou bois de la dite grange de Clux per droit, 9 li diz.. dux nos doit restorer et \7 rendre autant cun ^[1] li diz Henriz en_portera par droit en terre ou en vaillance d'argent 10 De rechief li diz.. dux, por lui et por ses hoirs, à nos et à nos hoirs done en fié 11 le fié \8 de Mervans et des apartenances, 12 le fié de Longepierre et des apartenances que mes sire Henriz de Paigné tient dou dit.. duc per ensinc cun il est contenu es covenances \9 qui en sunt faites entre aux. 13 Encor à nos et à nos hoirs done en fié li diz.. dux le fié de Navillé que li sires de Neblans tient dou dit.. duc. 14 Encor done en fié li diz \10 dux à nos et à nos hoirs le fié de Monz que Huguenins de Navillé tient dou duc, se li diz Huguenins s'i acorde. 15 Encores done à nos et à nos hoirs en fié li diz \11 dux la jostise sor la rive de Saone devers l'Abergement si conme il la doit deguier. 16 Encores done en fié à nos et à nos hoirs li diz.. dux la partie dou bois dou \12 Deffans si cum ele fu deguiee per le duc et per nos, 17 et de ces dous deguiemanz, ce est à savoir de la jostise sor la rive de Saone per devers l'Abergement et dou deguiement \13 de la partie dou bois dou Deffans, nos doit doner li.. dux ses lettres pendanz. 18 Encores li diz.. dux, por lui et por ses hoirs, nos a covenancié por nos et por nos hoirs 19 que \14 il ne reteigne ne puisse ne doive retenir nos homes de l'Ille de Paigné, ne de Loone, ne de Chaugé, ne de la Maison Deu, ne de Saint Aubin, 20 tant cum il seront \15 en nostre main, se ce n'estoit en la franchise de Beaune ou de Dyjon. 21 Et ausic nos a promis li diz.. dux que il ne si hoir ne se puissent creistre en nostre terre devant dite, \16 se n'est par la volenté de nos ou de nos hoirs. 22 Encores li diz.. dux nos a covenancié, por nos et por nos hoirs, 23 que nos serons receu en plaidoiant per devant soi ou per \17 devant sa gent per mesaige ou per procureour soffisant 24 es causes qui toicheront le duc principaulment et ausic en totes autres causes qui ne toicheront le dic ^[2], \18 se les parties s'i acordent, ou se li usaiges de la cort le duc l'aporte. 25 Et encores li diz.. dux nos a doné dous mile livres de viennois que nos avons receuz en \19 deniers nombrez. 26 Et en eschange et en guerdon et en recompensation des devant diz dons et des devant dites covenances que li.. dux nos a faiz ou faites ^[3], 27 nos, Hugues \20 cuens de Vienne et sires de Paigné, por nos et por nos hoirs, prenons Suerre et le terreour de Suerre et totes les apartenances de Suerre dou fié au devant dit Hugon duc \21 de Borgoigne, et de ses hoirs, 28 et volons et outroions et reconoissons 29 que totes les devant dites choses, Suerre, li terreours et les apartenances, soient dou fié au devant dit \22 duc et de ses hoirs. 30 Et donons et outroions, por nos et por nos hoirs, au devant dit.. duc, por lui et por ses hoirs, en eschange, en guerdon et en recompensation des devant dites \23 choses, 31 la Perriere et Saint Ceigne et les apartenances 32 et tot quanque nos avons à Eschenon que mes sire Marteaus de Maillé nos vendi, et briement quanque nos achatas\24mes de mon seignor Marteaul de Maillé, en terres, en prez, en bois, en homes, en jostises, en cens, en tailles, en costumes, en pescheries et en totes autres droitures per \25 quelque non que eles soient apelees. 33 Et donons au-dit.. duc et à ses hoirs touz les fiez de Foucherans. 34 Et prometons, por nos et por nos hoirs, au devant dit.. duc, por lui et por \26 ses hoirs, 35 les devant dites choses que il a de nos à garantir contre totes genz quittes et franches de touz autres fiez et de totes autres servitutes. 36 Et covenançons et \27 prometons, por nos et por nos hoirs, au dit.. duc, por lui et por ses hoirs, 37 que se il façoient estans sor l'Aillon qui porpreissent de nos terres ou des terres de nos homes, 38 que nos \28 en prendriens et feriens prendre raignauble eschange au regart de prodomes. 39 En aprés, nos reconoissons que nos tenons en fié dou devant dit.. duc 40 Mervans et \29 les apartenances, 41 Longepierre et les apartenances, 42 Navillé et les apartenances, 43 la vile de Monz, 44 Suerre et les apartenances, 45 Clux et les apartenances.
46 Et totes ces covenan\30ces et ces choses ci cum eles sunt desus devisees, nos Hugues cuens de Vienne et sires de Paigné desus diz, sumes tenu et prometons, por nos et por nos hoirs, 47 per le \31 sairement de nostre cors doné sor sainz Euvangiles et sor l'enloiement de touz nos biens en quelque leu qu'il soient, 48 garder et tenir à touz jors mais senz aler de riens \32 encontre. 49 Et renunçons en cest fait per la vertu dou sairement que nos avons ja doné, 50 à nostre droit escientre, dou tot en tot et tot expressement, 51 à tote exception, 52 à \33 tote action et à tote barre de tricherie, de paour et de fait et de deniers qui n'aient pas esté nombré ne receu, 53 et à tot benefice et à tote aide de droit de \34 cort de crestienté et de cort laye et de costume, 54 et à totes les choses que l'en porroit dire ne metre contre ces presentes lettres ou contre cest fait, 55 et meismement \35 au droit qui dit que generaus renunciations ne vaut. 56 En tesmoignaige et en memoire de totes ces choses, nos avons baillies au devant dit.. duc ces presen\36tes lettres saelees de nostre sael. 57 Ce est fait et doné en l'an de l'incarnation nostre Seignor mil dous cenz sexante et sis, ou mois de novembre.

Notes de fiche
^[a] (XIV^e s.)
^[b] (XIV^es.)
^[c] (XIV^es.)
^[d] (XIV^es.)
^[e] (XV^e s.)

Notes de transcription
^[1] warum hier n? vgl. div 2
^[2] sic, ändern?
^[3] zivilisierte Sprache?