Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr171

1266, 11 juillet

Type de document: charte: désignation d'arbitres

Objet: Désignation de deux arbitres, l'un, Etienne de Vougeot, clerc, pour Durand abbé de laBussière, l'autre, Hugues le Vert, chevalier, pour Aalis de Frôlois, devantattribuer à l'abbé dans la pôté de Gilly une surface de bois correspondant à lavaleur du droit d'usage de l'abbaye au bois d'Arbuère.

Auteur: Jacques de Pommard bailli de Dijon

Disposant: Durand abbé de la Bussière, Aalis dame de Frôlois

Sceau: auteur

Rédacteur: auteur

Support: Parchemin jadis scellé d'un sceau sur double queue.

Lieu de conservation: Arch. dép., 12 H 157

1 Nos, Jaques de Pomarc bailliz de Dyjon por noble baron Hugon duc de Borgoingne, 2 façons \2 savoir à touz cels qui verront cels presentes lettres 3 que religious bers freres Duranz abbés \3 de la Boissere, por lui et por son convent d'une part, et noble dame Aalais, dame de Frolois, d'autre, en \4 nostre presence estaubli por ceste chose specialment 4 ont nomé, ce est à savoir li diz abbées por lui et por \5 son convent, sire Estiene de Vouget, clerc, et li dite dame por li monseignor Hugon lou Vert, che\6valier, 5 li quel dit Estienes et Hugues doivent par lor sairemenz douner as diz abbé et au couvent patie \7 en bois en la poesté de Gillé à la vaillance de lor usaige que il ont ou bois d'Aubuyere 6 selonc la for\8me des lettres que il ont monstrees par devant nos, 7 et ce doivent avoir fait bien et leaument à lor \9 pooir dedanz l'an; 8 en-tel meniere que se li uns d'als en defailloit par leal essoine, li autre partie de-celui \10 metroit, dedanz quinze jorz aprés lou defaut, un autre qui en-tel point et en-tel estat i-entreroit \11 conme cil qui seroit defaillanz lou laisseroit, et lou jureroit à faire bien et leaument si conme il est \12 dit desus; 9 et se aucuns de cels en-defailloit par sa negligence ou par sa corpe, le parties ont \13 voulu et outroié queli partie qui i-avroit lou suen i-praigne tel esploit conme droiz li-donrai. 10 Ce \14 est fait à Dyjon lou diemoinge pruchien aprés la quinzaine de nativité saint Jehan Baptiste, \15 en l'an de grace .M.CC. et sexante et six, ou mois de juignot.