Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr154

1265, février

Type de document: charte: vente

Objet: Vente faite au duc Hugues IV par Guillaume des Barres, seigneur de Diant, avecl'accord d son frère Guiot, de la moitié de Villaines-les-Prévôtes.

Auteur: Guillaume des Barres seigneur de Diant

Sceau: auteur

Bénéficiaire: Hugues de Bourgogne

Autres Acteurs: Guiot frère de Guillaume

Rédacteur: auteur/bénéficiaire

Support: Parchemin scellé d'un sceau sur double queue (Douët d'Arcq 1298)

Lieu de conservation: Arch. dép., B 1336

Verso: Volenes vers Semur. Achete ^[a]. -Acquest de ce que messiresGuillaumes des Barres avoit à Voulaine vers Semur.^[b].

1 Gié, Guillaumes des Barres chevaliers, sires de Dyan, 2 fais savoir à touz cels qui verrunt ces presentes lettres 3 que je, por mon \2 preu et de mon bon gré et sanz nule force, hai vendu, quitté et outroié, par lou loux et por lou consentement de Guiot \3 mon frere, à noble baron Hugum duc de Bergoinne et à ses hoirs, 4 totes les choses que gié avoie en la vile de Volainnes vers \4 Semur en Aussois et es apartenences de ^[1] cele vile, les quels choses muevent dou devandit duc, c'est asavoir la mitié de la vile devanditte \5 et des apartenences, en seingnorie, en justise grant et petite, en talles, en homes, en terres, en prez, en bois, en aigues, en censes et \6 en touz proaiges quel-qu'il soient. 5 Et dou prex de ceste vendue je me tienz por paiez entierement en deniers nom \7brez. 6 Et de ces choses devandittes je me sui devestuz dou tout en tout corporelment et lou devandit duc en ai reve\8stu corporelment. 7 Et promet por lou sairement de mon cors doné sus sainte Evangile et por en_loement de moi et de mes \9 hoirs et de touz mes biens mobles et heritages, ces que je hai et atten à-avoir, la ditte vendue garantir au devant diz duc et à ses \10 hoirs contre touz, 8 ne ja mais n'en ira en contre por moi ne por autru, por parole ne por fait ne por consentement ne en \11 autre meniere quels-qu'ele soit. 9 Et arenun çoi à totes les barres et à touz les droiz de court lae et de court de crestienté et \12 à touz usages et à totes les choses qui me porroient aidier et au devandit duc nuire ne à ses hoirs.
10 Et je, Guioz, freres dou \13 dit Guillaume, hai loé et outroié ceste vendue devanditte et la promet à tenir et à garantir por moi et por mes hoirs et sus \14 touz mes biens, ces que je hai et porra avoir, por lou sarement de mon cors doné sus sainte Evangile, au devandit duc et à \15 ses hoirs contre totes genz.
11 Et je, Guillaumes devandiz, por lou lous et por lou consentement de Guiot mon frere, hai baillies \16 ces lettres saalees de mon seal ou tesmoingnage de verité au devandit duc. 12 Çou fu fait en l'an [de] ^[2] grace mil et deus \17 cenz et sexante et quatre, ou mois de fevrier.

Notes de fiche
^[a] (XIV^e s.)
^[b] (XIV^e s.)

Notes de transcription
^[1] Neveu: ce
^[2] Omis par le scribe