Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr151

1265, 23 janvier

Type de document: charte: vente

Objet: Vente de 2 faux de pré chargées d'un cens de 6 deniers au prieuré de Port, faite parPerrin, bourgeois de Port, à Guillaume, seigneur de Seveux, au prix de 8 livresestevenantes. - Acte établi au nom et sous le sceau d'Hugues, prieur de Port, quiconfirme la vente comme seigneur censitaire moyennant un droit de mutation de 16sous.

Auteur: Hugues prieur de Port

Disposant: Perrin bourgois de Port

Sceau: auteur

Bénéficiaire: Guillaume seigneur de Seveux

Rédacteur: auteur

Support: Parchemin jadis scellé d'un sceau sur simple queue.

Lieu de conservation: Arch. dép., B 1058

1 Nos, frere Hugues humles priours de Port, 2 à toz ces qui verront et orrunt ces \2 presantes letres façons à savoir 3 que Perrins, li fiz Renaudin, borgois de Port, ai re\3quonu en nostre presance 4 que il, par ou loux de sa fanme Villermete, ai vendu mon seyg\4nour Guillaume, seignour de Sevuy, dues fauz de pré que sient selonc le pré Aymo\5net le Pascheour, li une desus, li autre desouz, pour oyct lb. d'estevenans, de la \6 quel menoie il se tient pour paiez. 5 Et ai promis par sa foi que il contre ceste van\7due ne vendra par lui ne par autruy, mas l'an portera leial guarantie ausi come \8 de leial vandue. 6 Et pour ceste quarantie porter, li diz Perrins, par nostre loux, \9 en enloie sa vigne desus la combe de Velloine en la main à dit Guillaume et la mei\10tié dou plastre et dou més que siet aprés la maison as anfanz Bertenel.
7 Et ceste \11 vandue de ces dues fauz de pré, que doivent nos et à la maison Saint Estene de \12 Port sex deners de cense chascun an à feste saint Jahan, nos avons loé 8 et nostre loux \13 en avons aü, c'est à savoir .XVI. soz. 9 En tesmoignage de ceste chose, à la requeste \14 dou dit Guillaume et dou devant dit Perrin et de sa fanme Villermete, nos avons \15 mis nostre seal en ces presantes letres, 10 que furent faites l'andemain de feste \16 saint Vincent, en l'an de grace .M. et .CC. et seixante et quatre.