Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr129

1263, 11 mars

Type de document: charte: vente

Objet: Vente faite au duc Hugues IV par Hugues seigneur de Neublans, de tous les fiefs etarrière fiefs tenus de lui par feu Henri de Brancion et ses prédécesseurs, pour 500livres viennoises.

Auteur: Hugues seigneur de Neublans

Sceau: auteur

Bénéficiaire: Hugues IV duc de Bourgogne

Rédacteur: auteur/bénéficiaire

Support: Parchemin scellé d'un sceau sur double queue (Coulon 405).

Lieu de conservation: Arch. dép., B 539

Verso: Por Brancion ^[a]. -Acquez. Brancion. Vendue des fiez de Branciondou seignor de Neblans ^[b] ^[c]. - Vendue des fiez etrierefiez que ceux de Brancion tenoient douseignor de Neublans ^[d].

1 Nos, Hugues sires de Neblans, 2 façons à savoir à touz ces qui verrunt ces presentes lettres 3 que nos, touz les fiez \2 et touz les rerefiez ensamble les apartenances des diz fiez et des diz rere fiez que Henriz sires de Brancion, \3 ça en arriers, et mes sire Joceranz ses peres et lor devantier tenoient de nos ou devoient tenir ou pooient \4 tenir, vendons et avons vendu por nos et por nos hoirs à noble baron Hugon duc de Borgoigne, à lui \5 et à ses hoirs, por cinc cenz livres de viennois, 4 des quex cinc cenz livres li devant diz.. dux nos ^[1] a paiez en \6 deniers nombrez, et nos en tenons por bien paiez. 5 Et des devant diz fiez et des devant diz rerefiez, nos nos desvestons \7 et envestons et avons envesti lou devant dit Hugon duc de Borgoigne, por lui et por ses hoirs, 6 et avons promis \8 au devant dit Hugon duc de Borgoigne, la dite vendue garantir contre totes genz. Et jurons et avons \9 juré sor le saint Deu Euvangile, lou quel nos avons tochié corporelmant de nostre main, que nos ne vendrons, por \10 nos ne por autrui, ne consentirons que autres veigne contre la dite vendue. 7 Et avons renuncié et quittié en \11 cest fait à barre d'argent qui n'a esté nombrez ou paiez, et à barre de tricherie, et au droit qui dit que, \12 se l'en est deceuz outre la moitié dou droit pris, que l'en puet rapaler la vendue ou demander la defaute \13 dou droit pris; et volons que totes barres et tuit droit por les quex nos porriens venir contre la dite vendue \14 soient ausinc cum se il estoient nombré nonmeemant; et en tel maniere totes les devant dites barres et \15 touz les devant diz droiz por les quex nos porriens venir encontre la dite vendue nos avons renuncié et \16 quitié. 8 En tesmoignaige des quex choses, por ce que la devant dite vendue et les devant dites choses soient \17 fermes et estaubles, nos avons mis nostre seel pendant en ces presentes lettres. 9 Ce fu fait en l'an de \18 grace mil dous cenz sexante et dous, ou mois de marz, le diemanche que l'en chante Letare Jherusalem.

Notes de fiche
^[a] (XIV^e s.)
^[b] mention biffée
^[c] (XIV^e s.)
^[d] (XIV^e-XV^es.)

Notes de transcription
^[1] scorrigé sur z