Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr126a

1272, juin

Type de document: charte: vidimus

Objet: Vidimus de 126

Auteur: Jean évêque de Belley

Disposant: Jean seigneur de Chatillon-en-Bazois

Sceau: auteur

Bénéficiaire: ?

Rédacteur: auteur

Support: Parchemin jadis scellé d'un sceau sur double queue.

Lieu de conservation: Arch. dép., B 564

1 Nos, J. Dei patientia episcopus Bellicensis, 2 notum facimus universis presentes litteras inspecturis 3 quod nos vidimus et diligenter inspeximus quasdam litteras non vici\2atas, non cancellatas, non abolitas nec in aliqua sui parte corruptas, sigillatas sigillo Johannis, domini Castellionis an Bazois, ut apparebat per inspectionem et im\3pressuram ipsius sigilli, 4 qurum litterarum tenor talis est:
5 Nos, Jehans sires de Chastillon en Bezois, façoms à savoir à toz cex qui verront cestes \4 letres que, 6 cum discorde fust entre nos d'une part et l'enorable Pere Phelippe, par la grace de Deu eslit de Lions, d'autre, 7 sur ce que il nos \5 demandoit una damoisele que nos avioms que fu fille mon segnor Gui de Baugié et à la Daufine que orendroit est notre fame, 8 por ce que li davant \6 ditz Guis avoit layssié la tue et la garde de cele fille au dit eslit, 9 et nos disioms que il nos façoit tort en doyayre que nostre fame devoit a\7voir, si com nos disoms, en Borc en Breysse et en les essues que nos n'avioms ehues, 10 à laquel chouse li ditz eslitz disoit que le davant ditz Guis \8 avoit layssié lou Pont de Voile en doayre et ce que i-faudroit de set vins livrees de rente que l'on li parfeist se elle ne devoit ne pooit \9 avoir Borc, 11 la quele rente li ditz eslit estoit apareilliés de asseoir quar elle ne pooit ne devoit avoir Borc, si cum il creoit, 12 à la fin de to\10tes ces querelles avoms feit acorde 13 en tel manere que par les essues deu ^[1] davant dit doayre il nos doit rendre mil trois cens et trente livres \11 de vianois, 14 c'est asavoir cinc cens livres de vianois quant nos li rendroms la dite fille, 15 et cinc cens livres de vianois à feste Toz Sainz qui vient, \12 16 et trois cens et trente livres dedans le mois que nos li avrons feit loer et otroier à la ditte Daufine nostra fame totes ces presans convenan\13ces; 17 et il nos doit doner un jor et à la dite Daufine por asseoir set vins livrees de rante au Pont de Voile et au plus pres d'enqui que il porra \14 as us et as constumes dou païs ou la ditte Dauphine viegne ou non; 18 et ceste assise est par nom de son doayre; 19 la quel chouse feite ^[2] il ne doit ne par \15 li ne par les suens ne par les gens de la terre de Baugié metre defanse que nos ne poissons lever celles rentes; 20 mas se la ditte Daufine se \16 plaignoit de nos, il l'en doit tenir droit. 21 Et quant nos li avrons rendue la damoiselle, il li doit doner un tuor et l'evesque de Mascon à juge; 22 \17 et se nos en pooms porter par le jugemant l'evesque que l'assise dou doayre de Borc vausist ^[3] tant com la rente de Borc vaut plus que les \18 dittes set vins livrees, il nos doit asseoir au plus pres des dittes set vins livrees que il porra et rendre les essues dou plus dedens un \19 mois aprés le jugemant fait, le quel jugemant li evesques davant ditz doit feyre au plus tost que il porra sens riot et sens dilation. 23 Et si nos \20 en_portions ^[4] i_celluy ^[5] plus por le jugemant l'evesque davant dit, nos prometoms au dit eslit que, se la dite Daufine l'en apeloit, que nos l'en de\21fendrioms à droit; 24 et li prometoms que tantost com nos porrons nos feroms et porchesseroms ^[6] que la dite Daufine nostra fame \22 otroit totes les davant dites covenances, 25 et prometra que elle ne viendra en_contra ^[7]. 26 Et si par aventure avenoit que la davant dite damoiselle mo\23rust davant que elle eust douze ans, li ditz eslitz nos promet en bone foi que il nul empaschemant ne metroit par li ne par les \24 suens en la terre, eins voudroit en bone foit que nos et li nostre en eussons nostre droit. 27 Ces letres furent donees à Lion. 28 Por ce \25 que ces davant dittes convenances fussent fermes et estables, l'an de l'Incarnation mil et douz cens et soissante et douz, la vendredi \26 davant la feste saint Vincent, feismes metre en ces letres nostre sael.
29 Nos vero, prefatus episcopus Bellicensis, facta prius diligenti colla\27tione de originali ad hujusmodi presens scriptum, eidem presenti scripto sigillum nostrum appusuimus in testimonium veritatis. 30 Datum mense junii, anno \28 Domini M CC LXX secundo.

Notes de transcription
^[1] Sic
^[2] Sic
^[3] srefait sur t
^[4] Ms. enportions
^[5] Ms. icelluy
^[6] premier srefait sur i
^[7] Ms. encontra