Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0308

1265 (n.st.), janvier. - Douai.

Type de document: charte: obligation

Objet: Obligation du paiement d'une rente viagère de 8 livres par. par an par Simon Belot à sa belle-soeur Liégard de le Corbille.

Auteur: non annoncé, échevins de Douai.

Disposant: Simon Belot.

Sceau: non scellé; devise chirographaire: CIROGRAPHE

Bénéficiaire: Liégard de le Corbille, sa belle-soeur.

Autres Acteurs: échevins de Douai: Gilles Lalain, Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 660/5861.

Édition antérieure: Espinas, Vie urbaine, t. III, n° 466, p. 349.

1 Sacent tout cil ki sunt et ki a venir sunt ke 2 Simons Belos doit et a en-couvent à-Liejart \2 de le Keurbille, le sereur Margeritain se feme, .VIII. lb. de par. de rente par an a-le vie celi Liejart, a ren\3dre et a paier cascun an as octaves dou jour dou Noel a Douay a celi Liejart u a sen commant, tant longement k'ele \4 ara le vie el cors en quel estat et en quel habit k'ele onkes soit; et s'il avenoit cose ke Simons devant dis ne rendoit \5 et paioit a celi Liejart u a sen commant, tous ces .VIII. lb. de par. de rente cascun an au termine ensi com ci devant \6 est deviseit, cius Simons li doit et a en-couvent a rendre tous les cous, tous les despens et tous les damages ke \7 ele i aroit u feroit par le defaute de sen paiement en quelconke maniere ke ce fust juskes a sen dit sans autre \8 prouvance faire avoec les .VIII. lb. de par. de rente devantdite. Et de toute ceste rente rendre et paier et des cous \9 et des damages ausi, se cele Liejars les i avoit, ensi com ci devant est dit, l'en a fait cius Simons assenement sour lui \10 et sour tout le sien, u ke il l'ait, en tele maniere ke il veut et otrie ke cele Liejars u ses commans le puist prendre a \11 lui et au sien par tout u ke il l'ait et vendre et despendre com le sien juskes a tele couvenence ki ci devant est dite, se on \12 li defaloit de ceste rente rendre et paier et de toutes les couvenences devantdites faire et tenir, ensi com ci-devant est deviseit. \13 Et s'il avenoit cose ke mounoie de par. keist u empirast a Douay par loi u par pois u en autre maniere, quele k'ele fust, \14 li devantdis Simons seroit tenus de rendre et de paier a celi Liejart u a sen commant en autre mounoie souffisant et coursaule-a \15 Douay ausi vaillant ke paresi sunt a-autre mounoie au jour de hui a Douay. Et s'est a savoir ke aprés le deciés de celi \16 Liejart, Simon devant-dis et tous li siens et si hoir seront quité et delivré de ces .VIII. lb. de par. de rente et de toutes \17 les couvenences devantdites, sauf çou ke cele Liejars ait esté de toute cesti rente et de toutes ces couvenences bien paiee tou\18te se vie, ensi com ci-devant est deviseit. 3 A ces couvenences furent com eskievin Gilles li Alains et Simons Malés, en l'an del \19 Incarnation Nostre Signeur mil .CC. sissante et quatre, el mois de jenvier.