Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr119

1262, 9-30 avril

Type de document: charte: engagement

Objet: Engagement fait par Etienne, seigneur de Bonnand-sur-Loire, à Jeannin Colom, fils defeu Simon Colom, de la ville de Fourneau contre un prêt de 300 livres viennoises.Etienne requiert en outre le duc Hugues IV, comme seigneur du fief, d'accorder deslettres approuvant cet engagement.

Auteur: Etienne, seigneur de Bonnand-sur-Loire

Sceau: Etienne, seigneur de Bonnand-sur-Loire

Bénéficiaire: Jeannin Colom, fils de feu Simon Colom

Autres Acteurs: Etienne, seigneur de Bonnand-sur-Loire, Jeannin Colom, fils de feu Simon Colom, lefeu Simon Colom, Hugues IV, duc de Bourgogne

Support: Parchemin jadis scellé d'un sceau sur double queue.

Lieu de conservation: AD COr B 10475

Verso: Fiez de Bonant. Charrelois ^[a].

1 Nos, Estienes, sires de Bonant sus Loire, 2 faisons assavoir à toz ceaus qui verront ces presentes lestres 3 que nos avons \2 baillié en gaige Johannim Colom qui fu fiz mon seignor Symon Colom, chevalier, 4 la ville de Forniaus qui est an la parrache de \3 Vindici en l'esvechié de Ostum 5 et totes les apandises de la dite ville de Forniaus, c'est assavoir les rantes et les issues \4 quel-qu'elle soient, sanz la garenne des coniz, 6 por .CCC. livres de viannois, les quex .CCC. livres ge avoie heues et receues \5 por raisom de pret de mon seignor Symon Colom, peres dou dit Johannim, et de Johannim maumes, 7 tam dou pret dou \6 dit Symon peres dou dit Johannim qui avient au partaige dou dit Johannim quam de ceu que nos aviens receu dou dit Johan \7nim. 8 Item, nos, Estiene, requerons à mon seignor le duc, de cui fié nos tenons la dite ville de Forniaus, que am-baut \8 au dit Johannnim Colom ses lestres de la dite gaigiere. 9 Et avons promis por nostre sarement doné sus seint Avangilles à-te\9nir et à-garentir la dite gaigere, que nos ne vandrons ancontre ne farons venir por nos ne por autrui, mes \10 garentirons au dit Johannim les choses devant nonmees an_ver ^[1] totes genz à nostre pooir. 10 Et por ceu que ceu soit \11 creable chose, nos an avons baillies à mon seignor le duc, de cui fié les choses devant dites movent, noz lestres, \12 que tesmoint et lot au dit Johannim les choses devant dites. 11 Et si prions que am-baut au dit Johannim ses lestres. \13 12 Et por ceu que ceu soit creable chose, nos avons mis nostre seel an ces presentes lestres an tesmoig de verité, 13 do\14nees et faites am l'am de l'Incarnaciom Nostre Seignor mil et .CC. et sexante et dous, ou mois de avri.

Notes de fiche
^[a] (XIV^e s.)

Notes de transcription
^[1] Ainsi coupé: anver.