Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr113

1261, novembre

Type de document: charte: vente

Objet: Vente faite par Jean "li Cuiz" et sa femme Ermenjart au prieuré Notre Dame dePontailler de 2 journaux de terre et de 2 héminettes de blé de rente, au prix de 100sous estevenants.

Auteur: Guillaume de Champlitte, vicomte de Dijon et seigneur de Pontailler

Sceau: Acte établi au nom et sous le sceau de Guillaume de Champlitte, vicomte de Dijon etseigneur de Pontailler.

Bénéficiaire: le prieuré Notre Dame de Pontailler

Autres Acteurs: Jean "li Cuiz", sa femme Ermenjart, leurs enfants, le prieuré Notre Dame dePontailler, Guillaume de Champlitte, vicomte de Dijon et seigneur de Pontailler,"Perrenet de Chanfort", "Jannot de Lonc Champ"

Support: Parchemin jadis scellé d'un sceau sur double queue.

Lieu de conservation: AD COr 32 H 742.

Verso: De terra Emenjardis e duabus aminetis^[a].

1 Je, Guillaumes de Chanlite, viccuens de Dyjon et sires de Pontoillier, 2 faiz à savoir à-tous ceaus qui ces lettres verront et \2 orront 3 que en ma presence estaubli Jehans li Cuiz, de Pontoillier, et Emenjars sa femme, ont vendu et aquité à-tous jors en perpetuel \3 heritaige, por lor besoing et por lor necessité, 4 au prieur et es freres de Nostre Dame de Pontoillier, de l'ordre do Vaul des Escoliers, \4 5 deuz jornaus de terre arable, 6 c'est à savoir trois soillons de terre dont li dui soillon sient en icel leu c'on dist au Chaesne de Jonche\5res deleiz la terre Perrenet de Chanfort d'une part et la terre Jannot de Lonc Champ d'autre, et li autres soillons de terre siet \6 en icel-meismes finaige, c'est à savoir au Parier Brisié. 7 Et aprés ont vendu et aquité à-tous jors Jehans et Emenjars davant dit au \7 prieur et es freres davant dis 8 tout quan qu'il avoient es tierces des chans qui sient en finaige de Vonges, en icel leu c'on dist au Bou\8chet, 9 c'est à savoir chascun an deuz aminotes de blef, 10 en tel maniere que quiquionques tienra la dite terre, il est tenus à paier et à \9 rendre au prieur et es freres davant dis les deuz davant dites aminotes de tel blef com il vanra en la terre davant dite. 11 Toutes \10 ces choses, c'est à savoir les trois soillons de terre davant ^[1] dis et les deuz aminotes de blef de rente, ont vandu, doné et aquité li davant \11 dis Jehans et Emenjars sa femme au prieur et es freres davant dis 12 por cent sols d'estovenans, des quels cent sols d'estovenans Jehans li Cuiz \12 et Emenjars sa femme davant dit se sont tenu et tiennent por paié entierement en pecune nombree. 13 Ceste vendue et ceste aquitance \13 ont loee, creantee et aquitee ausi Jehans li Cuirs comme Emenjars sa feme et tuit lor enfant, 14 et de toutes ces choses davant dites se sont \14 devestu dou-tout en tout por lor et por lor hoirs et le prieur et les freres davant dis en ont revestus et mis en corporel posses\15sion por faire lor volenté. 15 Et ont promis Jehans li Cuiz et Emenjars sa femme par lor foiz donees corporement que jemais contre ceste van \16due ne contre ceste aquitance ne vanront ne autre venir ne feront, ne rien n'i reclameront ne par aus ne par autrui, 16 eins en por\17teront au prieur et es freres davant dis bone garantie et leaul envers toutes gens. 17 Et s'il avenoit par aventure en aucun tens \18 que, por enchoison de la dite vandue, li prieus et li frere davant dit i-eussent aucun damaige, li dis Jehans et Emenjars sa femme \19 ont promis por lor et por lor hoirs par lor fois donees corporement que il, sus tous lor biens mobles et heritaiges, en garderoient \20 de tous damaiges et de toutes grieves le prieur et les freres davant dis. 18 Et ont renuncié Jehans et Emenjars sa feme davant dit, por \21 lor et por lor hoirs, à-toutes exceptions de toute maniere de droit et à-tous estaublissemens dou leu et do païs, et aprés à-tout quanqui \22 aidier lor porroit ne devroit en ceste chose et grever au prieur et au freres davant dis. 19 En tesmongnaige de toutes ces cho\23ses, je, davant dis sires de Pontoillier, ai saiellees ces letres de mon saiel à la requeste de Jehan davant dit ^[2] et d'Amenjar sa femme. \24 20 Ce fu fait en l'an de l'Incarnation Nostre Seignor mil .CC. et .LX. et un an, en mois de novembre.

Notes de fiche
^[a] (XIII^e s.)

Notes de transcription
^[1] Le premier aa été corrigé, sans doute sur un e.
^[2] Ajouté après coup entre davantet et.