Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr088

1259, décembre

Type de document: charte: vente

Objet: Vente faite par Winot dit Pouchiere, ancien prévôt de Pontailler, au prieuré NotreDame de Pontailler, au prix de 4 livres estevenantes, des censives de Vonges qu'ilavait achetées de Guillaume de Drambon.

Auteur: Guillaume de Champlitte, vicomte de Dijon et seigneur de Pontailler

Sceau: Acte établi au nom et sous le sceau de Guillaume de Champlitte, vicomte de Dijon etseigneur de Pontailler

Bénéficiaire: le prieuré Notre Dame de Pontailler

Autres Acteurs: Winot dit Pouchiere, ancien prévôt de Pontailler, sa femme "Damons", ses fils Jeanet "Millés", ses filles Perronethe et Nicholethe,"Odes" le clerc, le prieuré NotreDame de Pontailler, Guillaume de Drambon, Guillaume de Champlitte, vicomte de Dijonet seigneur de Pontailler, Perron le Petit, de Dambron

Support: Parchemin jadis scellé d'un sceau sur double queue.

Lieu de conservation: AD COr 32 H 742.

Verso: De [...]^[a] de Vonges ^[b].

1 Je, Guillaumes diz de Chanlite, viccuenz de Dijon et sires de Pontallier, 2 faiz à savoir à tous ceaus qui ces letres verront et \2 orront 3 que en ma presence estaublis Winoz diz Pouchiere, jadis prevos de Pontallier, a vendu à-tous jors et aquité en perpetuel heritaige \3 au prieur et au freres de Nostre Dame de Pontaillier, de l'ordre do Vaul des Escoliers, 4 tout quanqu'il avoit ou pouoit avoir en censes \4 de Wonges, 5 les quels censes li davant dis Winoz avoit jadis conquestees et achatees de Guillaume de Dambron, 6 et ce fu fait par le \5 louz et par l'otroi de mon seignor Perron le Petit de Dambron, chivalier, de cui fié la chose movoit. 7 Et doit valoir la davant dite cense \6 chascun an entor .VIII. s. d'estovenans ou pou plus, qu'en fouasses, qu'en vin, qu'en gelines, qu'en deniers. 8 Tout ce a doné et aquité \7 perpetuelment li davans dis Winoz au prieur et au freres davant dis por quatre lb. d'estovenans, des quels .IIII. lb. il a receu plenier pai\8ement en deniers conteiz, et si s'en tient por paiés entierement. 9 Et de ce s'est desvestus do tout en tout li davans dis Winoz dis Pouchie\9re, et le prieur et les freres davant dis en a mis an possession corporel. 10 Ceste vendue et ceste aquitance ont otroiee, loee et creantee \10 dame Damonz, feme au davant dit Winot, Odes li clers, Jehans, Millés, fil Winot davant dit, Perronethe et Nicholethe ses filles; \11 11 et ont promis par lor fois donees corporement en ma main et sus obligation de tous lor biens moubles et heritaiges que contre \12 ceste vandue et ceste aquitance ne vanront des ore en avant, ne par aus ne par autrui, 12 ne en la davant dite ^[1] cense rien ne demanderont \13 ne reclameront ne reclamer ne feront, ainz en porteront leaul garantie envers toutes gens au prieur et au freres davant \14 dis. 13 Et ont renoncié Winoz davant dis, dame Damons sa feme, Odes, Jehans, Millos sui fil, Perronethe et Nicholethe ses fil\15les, à-toutes exceptions de toute maniere de droit et à toutes costumes do païs et à tous estaublissemens do leu et expressement \16 à tout quan-qui aidier lor porroit ou devroit en ceste chose et grever au prieur et au freres davant dis. 14 Et se par aventure \17 avenoit en aucun tens que por enchoison de la vendue davant dite i-eussent li prieus et li frere davant dit ou peussent avoir \18 damaige, Winoz davant dis, il et ^[2] sui hoir, sont tenu et ont promis en bone foi sus tous lor biens mobles et heritaiges \19 qu'il en garderont de tous damaiges en toutes cours et en tous leus. 15 En tesmongnaige de toutes ces choses, je, davant \20 dis Guillaumes, sires de Pontoillier, à la requeste des parties ai saiellees ces presentes letres de mon saiel. 16 Ce fu fait \21 en l'an de grace mil deuz cens cinquante et nuef, en mois de decembre.

Notes de fiche
^[a] Effacé.
^[b] (XIII^e-début XIV^es.)

Notes de transcription
^[1] Le scribe a ajouté diteen surchargeant la fin de davant.
^[2] emajuscule refait sur s.