Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr085c

1292, mars

Type de document: charte: vidimus

Objet: Vidimus délivré par Pierre, doyen de chrétienté de Dijon, en date de mars 1292.

Auteur: Pierre, doyen de chrétienté de Dijon

Sceau: Pierre, doyen de chrétienté de Dijon

Bénéficiaire: le prieuré de Til-Châtel

Autres Acteurs: l'abbé de Saint Etienne de Dijon, le couvent de Saint Etienne de Dijon, Jean deTil-Châtel, sa femme Marie, son fils Guiot et son oncle Hugues, le prieuré deTil-Châtel, le prieur de Til-Châtel, le chanoine de Til-Châtel, Gui, évêque deLangres, Pierre, doyen de chrétienté de Dijon

Support: Parchemin jadis scellé d'un sceau sur double queue.

Lieu de conservation: AD COr 42 H 772.

Verso: Littera de mercato ^[a]. - et ... gitis...^[b] ^[c].

1 Nos, maitres Pierres, doyens de la crestianté de Dyjon, 2 façons savoir à touz cels qui verront et orront ces presentes lettres 3 que nos unes lettres ci dessoz contenues, saines et entieres, havons vehues \2 et leues, des quex li tenours est tels:
4 Nos, Amees, abbés, et li covenz de Seint Estiene de Dyjon, et ge, Jehanz, sires de Trichesteal, 5 façons savoir à touz cels qui ces presentes lettres verront 6 que, conme descorz \3 fust entre nos 7 dou marchié que ge, Jehanz, sires de Trichesteal, havoye fait crier novelement à Lu, le quel l'abbés et li covenz ne conoissoyent mie que ge le peusse faire, 8 por le consoil de predonmes \4 nos havons acordé 9 en tel maniere que ge, Jehanz, sires de Trichesteal, recognois de ma propre volunté et le promet por mon sairement doné corporelment sus seinte Euvangile que ge ne mi hoir ne ferons \5 jamais marchié ne foire mas-que does foires que l'abbés et li covenz m'ont outroié si conme il est contenu ci dessoz à Trichesteal ne defors de trois lies environ Trichastel de totes parz, 10 einz devons conduire \6 et garder le marchié de Trichastel à l'abbé et au covent de Seint Estiene de Dyjon et au prioré de Trichastel à bone foi; 11 et reconois que totes les issues dou dit marchié sont au prioré de Trichastel sauz les este\7lages et la justise dou marchié. 12 Et nos, l'abbés et li covenz devant dit, reconoissons que nos havons outroié au dit seingnour de Trichastel et à ses hoirs à faire does foires à Trichastel à-toz jors \8 mais chascun an, et quelque raison que nos heussiens en ces does foires por chief dou marchié, nos lou quittons et outroions au dit seignour de Trichastel et à ses hours; 13 et de ces does foires li une \9 doit comencier le lundi matin devant la feste Saint Andrier et doit durer jusque le samedi à soir pruchain aprés; et li autre doit durer des l'andemain matin de la Trinité jusque le samedi à soir pru\10chain aprés; 14 et auxi tost conme chascune des dites foires sera faillie, li marchiez et les issues de marchié repaireront et doivent repairier au prioré de Trichastel. 15 Et ge, Jehanz, sires de Trichas\11tel, reconois que l'abbés et li covenz devant diz et li priours et li chanoynes de Trichastel hont atrait à Trichastel; et se il i vient honme à Trichastel et il gise premerement ou mes al honme dou prioré de Trichastel, ge \12 ne mi hoir ne lou poons retenir que il ne soit hons à l'abbé et au covent et au priour devant dit. 16 Et nos, l'abbés et li covenz, reconoissons aussi que se li hons gist premierement ou mes al home au \13 seignour de Trichastel, nos ne lou poons retenir que il ne soit ses hons; 17 et reconoissons nos, l'abbés et li covenz et li sires de Trichastel, que nostre honme de Trichastel hont aquez li uns sus les autres et que \14 il poent doner en mariaiges li un es autres de lor mobles et de lor herietaiges. 18 Et reconois ge, Jehanz, sires de Trichastel, que li priours et li chanoyne dou prioré de Trichastel et li honme dou prioré \15 hont usaiges et aisances por tot auxi conme mi honme de Trichastel et que li priours puet esploitier de ses honmes de tailles et d'ayes à sa volunté. 19 Aprés, nos, l'abbés et li covenz et li sires de \16 Trichastel, reconoissons que nos ne poons retenir li uns les honmes à l'autre, de Trichastel ne de chastelerie. 20 Encor reconois ge, Jehanz, sires de Trichastel, que ge ne puis abandoner à mes honmes \17 de Trichastel à user en bos, ne en aigues, ne en perrieres, ne en pastures, que li honme dou prioré de Trichastel et li priours et li chanoyne dou prioré n'i usoient. 21 Et promet à l'abbé et au covent et au priour et \18 as chenoynes devant diz lor et lor possessions et toz lor biens qui apartienent au prioré de Trichastel garder à bone foy jusque à droit. 22 Et reconois encor que li priours de Trichastel doit pranre \19 chascun an cinquante souz de estevenans ou peaige de Trichastel 23 que li peagerres doit rendre le jor de feste seint Jehan Baptiste por chiez de l'anniversaire mon seignour Hugon mon oncle. 24 Totes ces \20 choses dessus nonmees et devisees ge hay promis à garder et à faire et à tenir, por moi et por mes hoirs, por mon sairement corporelment doné. 25 Et se ge ou mi hoir ou autres por moi ou por mes hoirs \21 encontre cels choses ou aucune d'iceles aliens, ge vuil et outroy et pri mon seignour l'avesque de Lengres qui or est ou qui seroit avesques de Lengres en tens que il mette en cels qui encontre en iroient, à la re\22queste de l'abbé de Seint Estiene ou de son conmandement, sentence d'es_conmeniement ^[1] 26 et la tiegne tant que satisfations soit faite enterinement de ce dont l'en seroit alez encontre à l'abbé et au covent devant diz \23 et que l'an fust repairiez as convenances devant dites. 27 Toutes ces choses devant dites ge, Marie, qui est apele Symone, fenme au dit seignour de Trichastel, et ge, Guioz, lor filz, loons et volons \24 et outroionset prometons à tenir à toz jorz por nos sairemenz sus seinte Euvangile corporelment donez, et que jamais n'irons encontre por nos ne por autre. 28 Ou tesmoing de totes ces choses, nos, Amees, \25 abbés, et li covenz de Seint Estiene de Dyjon, et ge, Jehanz, sires de Trichastel, avons mis nos seaus en ces presentes lettres. 29 Et à plus grant seurté, nos, l'abbés et li covenz et li sires de Trichastel \26 et Marie et Guioz devant dit, havons prié et requis à mettre en ces presentes lettres le seal de redotauble Pere mon seignour Guion, por la grace de Deu avesques de Lengres. 30 Et nos, Guiz, \27 por la grace de Deu avesques de Lengres, por les prieres des parties dessus nomees, havons fait mettre nostre seal en ces presentes lettres. 31 Ce fu fait en l'an de grace .M.CC. et cinquante \28 et nuef, ou mois de septembre.
32 Et nos, doiens dessus diz, ou present transcrit des dites lettres havons mis nostre seal sor ce requis. 33 C'est doné l'an de grace mil .CC. quatre vinz et doze, ou mois \29 de marz.

Notes de fiche
^[a] (fin XIII^e-débutXVI^e s.)
^[b] Effacé.
^[c] (fin XIII^e-début XVI^e s.)

Notes de transcription
^[1] Ainsi coupé: desconmuniement.