Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr085a

1259, septembre

Type de document: charte: accord

Objet: Accord sur le marché de Lux conclu entre l'abbé de Saint Etienne de Dijon pour leprieuré de Til-Châtel et Jean de Til-Châtel avec l'accord de sa femme Marie et deson fils Guiot. Jean abandonne le profit du nouveau marché créé par lui à Lux auprieuré, contre deux foires annuelles qu'il pourra tenir à Til-Châtel. Les deuxparties règlent le statut de leurs hommes sur la terre de Til-Châtel. Enfin Jeanfonde un anniversaire pour son oncle Hugues, contre une rente de 50 sousestevenants.

Auteur: l'abbé de Saint Etienne de Dijon, le couvent de Saint Etienne de Dijon, Jean deTil-Châtel

Sceau: Acte passé sous les sceaux de l'abbé Amée et du couvent, de Jean et de Gui, évêque deLangres.

Bénéficiaire: le prieuré de Til-Châtel

Autres Acteurs: l'abbé de Saint Etienne de Dijon, le couvent de Saint Etienne de Dijon, Jean deTil-Châtel, sa femme Marie, son fils Guiot et son oncle Hugues, le prieuré deTil-Châtel, le prieur de Til-Châtel, le chanoine de Til-Châtel, Gui, évêque deLangres

Support: Parchemin jadis scellé de 4 sceaux sur double queue. Bord gauche rongé au début deslignes 12 à 14.

Lieu de conservation: AD COr 42 H 772.

Édition antérieure: Bloc, n^o97, p.200.

Verso: Carta de Tilecastro ^[a].

1 Nos, Amees, abbés, et li couvenz de Saint Estiene de Dijon, et ge, Jehanz, sires de Trichastel, 2 façons savoir à touz cels qui cels \2 presentes lettres verront 3 que, conme descorz fust entre nos 4 dou marchié que ge, Jehanz, sires de Trichastel, avoie fait crier novelement à Lu, lou quel l'abés \3 et li couvenz ne conoissoient mie que ge lou poisse faire, 5 par lou consoil de preudomes nos avons acordé 6 en tel meniere que ge, Jehanz, sires de Tricha\4stel, reconois de ma propre volenté et lou promet par mon sairement doné corporelment sus sainte Euvangile que ge ne mi hoir ne ferons jamais marchié ne \5 foire mais que doues foires que l'abés et li couvenz m'ont otroié si conme il est contenu ci desouz, à Trichastel ne defors de trois lies environ Trichastel de toutes \6 parz, 7 ainz devons conduire et garder lou marchié de Trichastel à l'abé et au couvent de Saint Estiene de Dyjon et au prioré de Trichastel à bone foi. 8 Et reco\7nois que toutes les issues dou dit marchié sont au prioré de Trichastel sauf les estelaiges et la justise dou marchié. 9 Et nos, l'abés et li couvenz devant dit, reconois\8sons que nos avons otroié au-dit seingnor de Trichastel et à ses hoirs à faire doues foires à Trichastel à-touz jorz mais chascun an, 10 et quel que raison que nos eussiens en cels \9 doues foires por chief dou marchié, nos lou quitons et otroions au-dit seingnor de Trichastel et à ses hoirs. 11 Et de cels doues foires, li une doit conmencier lou lun\10di matin devant la feste saint Andrié et doit durer jusque lou samedi à soir pruchien aprés, et li autre doit durer des l'andemain matin de la-Trinité jusque lou same\11di à soir pruchien aprés; 12 et ausitost conme chascune des dites foires sera faillie, li marchiez et les issues de marchié repaireront et doivent repairier au prioré \12 [de] [Tri]chastel. 13 Et ge, Jehanz, sires de Trichastel, reconois que l'abés et li couvenz devant diz et li prious et li chanoine de Trichastel ont atrait à Trichastel; 14 et se il \13 [vien]t home à Trichastel et il gise premierement ou mes à l'ome dou prioré de Trichastel, ge ne mi hoir ne lou poons retenir que il ne soit hons à l'abé et au couvent \14 [et] au priour devant diz. 15 Et nos, l'abés et li couvenz, reconoissons ausi que se li hons gist premierement ou mes à l'ome au seingnor de Trichastel, nos ne \15 lou poons retenir que il ne soit ses hons. 16 Et reconoissons nos, l'abés et li couvenz et li sires de Trichastel, que nostre home de Trichastel ont aquez li uns sus les \16 autres et que il poent doner en mariages li un as autres de lor mobles et de lor herietaiges. 17 Et reconois ge, Jehanz, sires de Trichastel, que li prious et li chanoine \17 dou prioré de Trichastel et li home dou prioré ont usaiges et aisances par tout ausi conme mi home de Trichastel et que li prious puet esploitier de ses homes \18 de tailles et d'ayes à sa volenté. 18 Aprés, nos, l'abés et li couvenz et li sires de Trichastel, reconoissons que nos ne poons retenir li uns les homes à l'autre, de Tri\19chastel ne de la chastelerie. 19 Encor reconois ge, Jehanz, sires de Trichastel, que ge ne puis abandoner à mes homes de Trichastel à user en bois ne en ai\20gues, ne en perrieres, ne en pastures, que li home dou prioré de Trichastel et li prious et li chanoine dou prioré n'i usoient. 20 Et promet à l'abé et au cou\21vent et au prior et as chanoines devant diz lor et lor possessions et touz lor biens qui apartienent au prioré de Trichastel garder à bone foi jusque à droit. \22 21 Et reconois encor que li prious de Trichastel doit pranre chascun an cinquante solz d'estevenans ou paaige de Trichastel que li paagerres doit rendre lou \23 jor de feste saint Jehan Baptiste por chief de l'anniversaire monseingnor Hugon mon oncle. 22 Toutes cels choses desus nomees et devisees ge ai promis \24 à garder et à faire et à tenir por moi et por mes hoirs par mon sairement corporelment doné. 23 Et se ge ou mi hoir ou autres por moi ou por mes hoirs encontre \25 cels choses ou aucune de cels choses aliens, ge vuil et otroi et pri mon seingnor l'avesque de Lengres qui or est ou qui seroit avesques de Lengres en-tens \26 que il mete en cels qui encontre en iroient, à la requeste de l'abé de Saint Estiene ou de son conmendement, sentence d'esconmeniement, 24 et la tiegne tant que satisfa\27tions soit faite enterinement de ce dont l'an seroit alez encontre à l'abé et au couvent devant diz et que l'an fust repairiez as couvenances devant dites. 25 Tou\28tes cels choses devant dites ge, Marie, qui est apelee Symone, fanme au dit seingnor de Trichastel, et ge, Guioz, lor filz, loons et voulons et otroions \29 et prometons à tenir à touz jorz par noz sairemenz sus sainte Euvangile corporelment donez et que jamais n'irons encontre par nos ne par autre. 26 Ou tesmoing \30 de toutes cels choses, nos, Amees, abbés, et li couvenz de Saint Estiene de Dyjon, et ge, Jehanz, sires de Trichastel, avons mis noz seaus en cels presentes \31 lettres. 27 Et à plus grant seurté, nos, l'abés et li couvenz et li sires de Trichastel et Marie et Guioz devant dit, avons prié et requis à mettre en cels pre \32sentes lettres lou seal de redoutable Pere monseingnor Guion, par la grace de Deu avesque de Lengres. 28 Et nos, Guiz, par la grace de Deu avesques de \33 Lengres, par les priere des parties desus nomees, avons fait mettre nostre seal en cels presentes lettres. 29 Ce fu fait en l'an de grace .M.CC. et cinquan\34te et nuef, ou mois de septembre.

Notes de fiche
^[a] (XIII^e s.)