Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr082

1259, juin-juillet

Type de document: charte: vente

Objet: Vente par Henri, seigneur de Brancion, au duc Hugues IV d'Uxelles, Beaumont,l'Epervière, pour 9000 livres dijonnaises, la Porcheresse estimée à 300 livrées deterre dijonnaises, et une rente viagère de 500 livres annuelles.

Auteur: Henri, seigneur de Brancion

Sceau: Henri, seigneur de Brancion

Bénéficiaire: Hugues IV, duc de Bourgogne

Autres Acteurs: Henri, seigneur de Brancion, Hugues IV, duc de Bourgogne, les évêques d'"Ostun" etde "Chalun"

Support: Parchemin scellé d'un sceau sur double queue, incomplet (Coulon 218).

Lieu de conservation: AD COr B 539.

Édition antérieure: D. Plancher, t.II, p. XXIII, §LIX.

Verso: De B[rancion]^[a], Beaumon, Pevrere, Husselles^[b]. - Acquez de Brancyon ^[c]. - La vendue de Brancion, de Beaumont, laPevriere et Ux[elles]^[d] ^[e].

1 Gié, Henris, sires de Brancion, 2 fais savoir à touz ces qui verrunt ces letres 3 que gié a vendu, quitié et outroié à noble baron Hugun, duc de \2 Burgoinen, mon segnor lege, et à ses hoirs parmainnaublemant, 4 Brancion et les apartenances en fiez et en toutes autres demeneures, 5 en bois, en aigues, en prez, \3 en terres, en homes, en segnories, justises petites et granz et toutes autres choses que je i pooie avoir ne devoie, ne je, ne li mien; et Huseles et les apartenances \4 en fiez et en toutes demeneures, en bois, en aigues, en prez, en terres, en homes, en segnories, justises petites et granz et toutes autres choses que je i pooie ^[1] avoir, \5 ne je, ne li mien, ne devoie avoir; et Beaumont et les apartenances en fiez et en toutes demeneures, en bois, en aigues, en prez, en terres, en homes, en segnories, \6 en justises petites et granz et totes autres choses que je i pooie avoir ne devoiez ^[2], ne je, ne li mien; et la Pevrere et les apartenances en fiez et en totes demeneures, \7 en bois, en aigues, en prez, en terres, en homes, en segnories, justises petites et granz, en totes choses que je i pooie ^[3] avoir ne devoie, ne je, ne li mien, et touz les fiez que \8 je tenoie de celu duc queque part que il fussent, ne en fiez, ne en demeneures, ne en domoignen; 6 por le pris de nuef mille livres de digenois, \9 les quex je a receuz en deniers companz et m'en-tieng por paiez; 7 et por la Porcheroce, que l'un me doit faire valoir trois cenz livrees de terre à digenois et \10 porfaire ce que en defaudroit au plus pres de celu leu en sa terre; 8 et por cinc cenz livres de digenois que il me doit paier à ma vie chasun an, et aprés mon \11 decet li devant diz dux et li sien remaint quites de ces .VC. lb. 9 Et toutes ces choses je sui tenuz garantir por le sairemant de mon cors, je et mi hoir, à \12 celu duc de Burgoinen et à ses hoirs à touz jors jusque à droit. 10 Et a promis por moi et por mes hoirs que contre ceste vandue je ne vandra à nul jor por moi ne por \13 autru, ne en fait, ne en dit. 11 Et arenonçois sus ce à toutes exceptions et à toutes barres que l'un porroit metre avant contre cest estrument ne contre les choses \14 qui i sont contenues, 12 et l'eception que l'un deist ou que l'un peust dire que li denier ne fussent paié, et à l'epistre divi Adrien, et à la barre que je soie deceuz en la \15 vandue outre la moitié dou droit pris, et à touz rapeaux et à toute costume et à toute ahie de cort de crestienté et de cort laie, et à touz previleges qui contre ce me \16 porroient ou devroient aidier, ou à mes hoirs. 13 Et vuel et outroi que, se je ou mi hoir veniens encontre ces choses qui sunt ci contenues, ne faciens ne consentiens à venir, que cil \17 qui seroient evesque d'Ostun et de Chalun ou li uns de ces qui premiers en seroit requis meissent sentence d'escomenient et d'entredit en ma persone et en mes hoirs et en \18 ma terre et en mes homes et en toutes mes choses, à la requeste de celu duc ou de ses hoirs ou de lor conmandemant, 14 ne ne relachasunt les sentences jusqu'à-tant \19 que je ou mi hoir ahussent fait satisfacion à celu duc ou à ses hoirs ou à lor conmandemant, 15 et ces sentences senz amonester moi ne mes hoirs li dit evesque \20 meissent et feissent denoncier. 16 Et vuel et outroi que se nulles letres venoient avant ou estoient mostrees contre ces letres, de queque seel que eles fussent seelees, \21 fussent faites devant cestes letres ou aprés, fussent nulles. 17 En tesmoingnaige de ceste chose, que ele soit ferme et estauble à touz jors, nos avuns mis nostre seel \22 en ces letres. 18 Ce fu fait en l'an de grace mil dous cenz cinquante et nuef, ou mois de joignet.

Notes de fiche
^[a] Effacé.
^[b] (XIV^e s.)
^[c] (XIV^es.)
^[d] Effacé.
^[e] (XV^e s.)

Notes de transcription
^[1] oicorrigés.
^[2] Sic.
^[3] Deuxième ocorrigé.