Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr063

1256, septembre

Type de document: charte: contrat

Objet: Contrat de pariage entre Mahaut de "Bailleus", avec l'accord de son mari GuillaumeMouton de Fauverney, et le duc Hugues IV, sur ses possessions à Civry et Beaume,saufs la forteresse de Civry et le gros bois de Créancey demeurant à la seuleMahaut. En contrepartie, Mahaut reçoit du duc 400 livres dijonnaises.

Auteur: Mahaut de "Bailleus"

Sceau: Acte passé sous les sceaux de Pierre, abbé de Saint Bénigne, et d'Amée, abbé de SaintEtienne de Dijon.

Bénéficiaire: Hugues IV, duc de Bourgogne

Autres Acteurs: Mahaut de "Bailleus", son mari Guillaume Mouton de Fauverney, Hugues IV, duc deBourgogne, Pierre, abbé de Saint Bénigne, Amée, abbé de Saint Etienne de Dijon

Support: Parchemin scellé de deux sceaux sur double queue (Pierre, ne subsiste que lecontre-sceau différent de Coulon 1359; Amée, Coulon 1367).

Lieu de conservation: AD COr B 1287.

Verso: Acquez. Auxois ^[a]. - Del'a_compaignemant^[b] au Mouton de Faverney,de Syvrey et de Baunote ^[c]. - Registratur^[d].

1 Ge, Mahauz de Bailleus, fanme monseingnor Guillaume, dit Mouton, de Faverné, 2 faz savoir à-touz cels qui verront cels \2 presentes lettres 3 que ge, de ma bone velonté et sanz nule force et sanz nule decevance et por mon preu, par mon sairement, ai acom\3paingnié noble baron et mon seingnor Hugon, duc de Borgoingne, et ses hoirs qui seront duc de Borgoingne, 4 à tout quant que \4 ge ai et puis avoir et doi es viles et es terreours et es finaiges et es apartenances de Syvré, de Baumote souz Cruancé et de Cruancé \5 meismes, 5 en touz herietaiges et en toutes rentes et en toutes issues, en fiez, en amendes, en forfaiz, en justises et en toutes autres \6 choses queles que eles soient, fors la forteresce de Cruancé et lou porpris de la forteresce et les fiez qui sont dedanz la forteresce et la \7 vaine dou gros bois de Cruancé qui remainent à moi et à mes hoirs. 6 Et ai otroi au duc de_sus ^[1] nomé et à ses hoirs que il se puissent \8 acroistre es viles et es apartenances et es finaiges et es terreors desus nomees et ovrer en mulins et en estans et en autres choses fors de \9 la devant dite forteresce, 7 en tel meniere que en l'acroissement et en l'uevre et en l'estefi de mulins et d'estans et d'autres que li dux \10 et si hoir i-feront, ge et mi hoir i-avrons la moitié por la moitié paiant. 8 Et se ge ou mi hoir i conquerons ou ouvrons en mulins \11 ou en estans ou en autres choses es leus devant diz fors de la dite forteresce, li dux et si hoir i-avront la moitié por la moitié paiant. \12 9 Et est à savoir que toutes cels choses sont dou fié lou duc desus nomé. 10 Aprés, li dux et si hoir, et ge et mi hoir, devons mettre en cels \13 leus un sergent qui jurrai à garder les droitures de l'une partie et de l'autre et maintenir et sauver, 11 et celui sergent nos ensemble \14 poons remuer par escort toutes les foiz que il nos plairai. 12 Et cels choses desus nomees, li dux ne si hoir qui seront duc de Borgo\15ingne ne poent oster ne remuer ne aliener de lor mains. 13 Et se ge ou mi hoir, des dis anz qui sont à comper des lou jor que cels \16 lettres sont faites en lai, nos vouliens deffaire de nostre partie des bois de cels leus, ge les partiroie ou mi hoir, et li dux ou si \17 hoir pranroient lor partie, et ge et mi hoir feriens de la nostre partie nostre velonté sanz nul contredit. 14 Por cels choses desus \18 nomees, li dux m'ai doné quatre cenz livres de digenois, des queles ge me tieng por paiee enterinement en deniers companz. 15 Et \19 toutes cels choses si conme eles sont desus devisees, ge promet par mon sairement à faire et à tenir et à garder à touz jorz et que ja\20mais, par moi ne par autre, n'irai encontre, par parole, ne par fait, ne par consentement, ne par nul droit, ne par nule meniere \21 quex qu'ele soit. 16 Et à ce tenir et faire et garder, ge en_loi ^[2] mes hoirs que ge ai et que ge atant à avoir. 17 Et ge, Guillaumes, diz Mou\22tons, de Faverné, mariz d'iceli Mahaut, toutes cels choses desus nomees lo et voil et otroi et promet à tenir à touz jorz par mon sairement, \23 et reconois que tout ce est fait par ma velonté et par mon consoil. 18 Et que cels choses soient fermes et estables à touz jorz, nos, Mahauz \24 et Guillaumes devant dit, avons prié et requis et fait à mettre en cels presentes lettres les seaus henorables barons mon seingnor \25 Pierre, abbé de Saint Benigne, et mon seingnor Amee, abbé de Saint Estiene de Dijon. 19 Ce est fait en l'an de grace .M.CC. et cinquan\26te et sis, ou mois de septembre.

Notes de fiche
^[a] (XIV^e s.)
^[b] Ms. lacompaignemant
^[c] (XIV^e s.)
^[d] (XIV^e s.)

Notes de transcription
^[1] Ainsi coupé: desus.
^[2] Ms. enloi.