Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr059

1256 (n.st.), janvier

Type de document: charte: complément

Objet: Complément à l'acte précédent, par lequel Henri de Vergy promet que, au cas où ilobtiendrait la suzeraineté sur Saint-Seine, le fief et la forteresse ne lui serontni jurables ni rendables par le seigneur, qui pourra fortifier à sa guise. Ils'engage en outre à garantir les terres tenues à Saint-Seine par Raoul, Ponced'Etaules et Huguenin.

Auteur: Henri de Vergy, sénéchal de Bourgogne et seigneur de Mirebeau

Sceau: Henri de Vergy, sénéchal de Bourgogne et seigneur de Mirebeau

Bénéficiaire: le seigneur de Saint-Seine, Raoul, Ponce d'Etaules et Huguenin

Autres Acteurs: Henri de Vergy, sénéchal de Bourgogne et seigneur de Mirebeau, Raoul, Ponced'Etaules et Huguenin, Haimon, archidiacre de Langres et seigneur deSaint-Seine-sur-Vingeanne, le seigneur de Beaumont

Support: Parchemin scellé d'un sceau sur double queue.

Lieu de conservation: AD COr B 10 473.

Édition antérieure: Philip on, les Parlers...Bourgogne orientale, I, III.

Verso: Ce sunt les letres dou fié de Seint Seigneet des terres mon seignor Raolet sire Poinz et [Huguen]in^[a]d'Estables ^[b].

1 Je, Henris de Vergé, senechaus de Burgoigne et sires de Mirabel, 2 faz savoir à toz \2 ces qui verront ces presentes letres 3 que je ay tex covenances vers Hamon de Rochefort, ar\3cediacre de Leingres et seignor de Seint Seingne; 4 ce ast à-savoir que comant qu'il soit et en-quelque \4 meniere qu'il aviengne que je ne mi hoir puissiens faire que nos ayens le fié de Seint Seingne \5 que li sires de Seint Seingne tenoit dou seignor de Bealmont, 5 je voil et otroi et oblijoi moy \6 et mes hoirs à ce que li diz fiez, ce ast à-savoir la maisons et ^[1] la forterece et les apartenances, \7 6 soient de fyé lige et ne soient ne jurables ne randables et sanz garde. 7 Et voil et \8 otroi que li diz arcediacres ou qui-que-soit aprés lui sires de Seint Seingne puissent \9 ovrer en la dite forterece à lor volunté et amander et enforcier, que je ne mi hoir qui saront \10 aprés moi ne les en puissiens enpoiochier ne contredire, ne par nos ne par autrui. 8 Et voil et \11 otroi que li diz fiez soit toz jorz mais au seignor de Mirabel qui-qu'il-soit senz partir de \12 sa mayn, se ce n'ere par le consantemant dou seignor de Seint Seingne qui-qu'il-soit. 9 Et aprés, \13 je premoit por moi et por mes hoirs au dit arcediacre et au seignor de Seint Seigne qui \14 qu'il-soit à garantir tote la terre que messires Raos, chevaliers, et sires Poinz d'Estables et \15 Huguenins tenoent à Estables et à Seint Seingne et es finages de ces dues viles et es\16quieter vers totes genz ^[2]. 10 Et ces dites covinances je promet en bone foy à tenir et \17 à garder et en oblijoi à ce moi et mes hoirs. 11 Et por ce que ces covenances soent fermes \18 et estables à toz jorz mais, je ay mis mon sael en ces presantes letres. 12 Et ce fu fait \19 en l'an de l'Incarnation Jhesu Crist mil et dues cenz et cinquante cinc, ou moys \20 de janvier.

Notes de fiche
^[a] Effacé.
^[b] (XIII^e s.)

Notes de transcription
^[1] Signe "et"répété.
^[2] een surcharge sur a.