Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr052

1255, octobre

Type de document: charte: vente

Objet: Vente par Henri, seigneur de Brancion, au duc Hugues IV de son château de Sanvignesqu'il tenait jusque là en fief de lui, pour 6000 livres tournois.

Auteur: Henri, seigneur de Brancion

Sceau: Henri, seigneur de Brancion

Bénéficiaire: Hugues IV, duc de Bourgogne

Autres Acteurs: Henri, seigneur de Brancion, Hugues IV, duc de Bourgogne

Support: Parchemin scellé d'un sceau sur double queue (Coulon 218).

Lieu de conservation: AD COr B 972.

Verso: Acquez. De Bransion ^[a]. - L'aquest deSanvignes ^[b]et dez appartenances ^[c].

1 Gié, Henris, sires de Brancion, 2 fais savoir à touz ces qui ces letres verrunt 3 que gié, por ma velunté, senz force et sen contreingnemant, por ma \2 bessoignen, ai vendu, quitié, outroié et delivré au noble barun Hugun, duc de Burgoinen, mun segnor, et à ses hoirs, 4 à touz jors em parmaignauble \3 heritaige 5 mun chasteaul de Sanvignens et quanque j'ai ou doi avoir ou puis avoir en la chastelerie et es apartinances de celu chasteaul, 6 sen riens \4 retenir por moi ne por mes hoirs, en jostises, en segnories, en fiez, en homes, en demes, en censies, en tailles, en costumes, en fortereces, en maisuns, en \5 terres, en prez, en pasquiers, en estanz, en rivieres, en bois, en usaiges et en totes autres choses, 7 por sex mile livres de tornois, les quex je a \6 receues et ahues en deniers nonbrez, et por paiez m'en sui tenuz. 8 Et de totes ces choses, les quex estoient dou fié celu duc, ensinc cum eles sunt nonmees, \7 je por moi et por mes hoirs m'en suis desvestuz et en a envestu celu duc et mis en possession parmaignauble, por lui et por ses hoirs. 9 Et ge, por mun sairemant \8 que je ai fait corporemant, promet et sui tenuz sus moi et sus enloiemant de mes hoirs et de touz mes biens mobles et heritaiges que je [ai] ^[1] ou avra ou que \9 il soient celu chastel de Sanvignens et totes les autres choses desus devisees ^[2] à celui Hugun mon segnor et à ses hoirs deffandre contre tote genz et \10 garantir em paiz jusque à droit. 10 Et je, por moi et por mes hoirs, renonçois et deguerpi tot droit, touz previleges, tou usaiges et totes raisuns de cort \11 laie et de cort de crestienté qui à moi ne à mes hoirs porroient ou devroient profetier en ces choses. 11 En tesmoignage de ces choses, por ce que eles \12 soient fermes et estaubles à touz jors, je a mis mun seel en ces letres, 12 en l'an de grace mil .CC.L. et cinc, ou mois d'octouvre.

Notes de fiche
^[a] (XIV^e s.)
^[b] (XIV^e s.)
^[c] (XV^e s.)

Notes de transcription
^[1] Omis.
^[2] Les deux eaccentués.