Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr040

1254, juin

Type de document: charte: aveu

Objet: Aveu fait au duc Hugues IV par Haimonin Chapiteau, de Trouhaut, qu'il est son hommepour une pièce de terre sise au ru de Panges, terre qu'il tenait jusque là enalleu.

Auteur: Amée, abbé de Saint Etienne et Marchant, doyen de la Sainte Chapelle de Dijon

Sceau: Acte établi au nom et sous les sceaux d'Amée, abbé de Saint Etienne, et de Marchant,doyen de la Sainte Chapelle de Dijon.

Bénéficiaire: Hugues IV, duc de Bourgogne

Autres Acteurs: Haimonin Chapiteau, Hugues IV, duc de Bourgogne, Amée, abbé de Saint Etienne,Marchant, doyen de la Sainte Chapelle de Dijon

Support: Parchemin scellé de deux sceaux sur double queue (Coulon 1367, 1087).

Lieu de conservation: AD COr B 1044.

Verso: Acquez. Auxois ^[a]. - De HaymoninChapiteaul, de son homaige et de sa terre dou ru dePanges qui doit demorer au duc se il se part dedessouz lui ^[b].

1 Nos, Amees, abbés de Saint Estiene, et Marcheanz, deiens de la Chapele lou Duc de Dijon, 2 façuns savoir à touz cels qui cels pre\2sentes lettres verront 3 que, en nostre presence establiz, Haymonins Chapiteaus, de Troaul, ai reconeu 4 que il est hons noble baron mon \3 seingnor Hugon, duc de Borgoingne, 5 por demorer en une soe piece de terre qui est au ru de Paanges, 6 qui est celui Haymonin fran\4che, sanz costume et sanz cense paiant ne rendant, si conme cil Haymonins ai coneu devant nos. 7 Et en ce leu meismes, li dux et si hoir sont \5 tenu garder et deffendre celui Haymonin et ses hoirs qui enqui demorront aprés lui et lor choses jusque à droit à bone foi, ne lui ne ses \6 hoirs li dux ne si hoir ne poent doner, vendre ou eschanger ne mettre en autre main que en la lor. 8 Et lor ai otroié li-dux que baillis, preoz \7 ne sergenz de par lui n'avront justise ne pooir sus lor ne sus lor choses, ainz les ai retenuz à lui, propre droit facent et prenant por \8 lui à sa velonté et à son plaisir, ou de ses hoirs qui seront duc de Borgoingne. 9 Et puet esploitier et joïr de celui Haymonin et de son hoir \9 qui cels choses tenrai aprés lui et de lor choses ausi conme de ses autres homes. 10 Et cels choses si conme eles sont otroiees à celui Haymonin, \10 si hoir les tanront aprés lui, et la terre et tout l'amendement que il i-ferai. 11 Et se Haymonins se partoit de la seingnorie lou duc ou de ses \11 hoirs aprés lui, la terre et li amendemenz qui faiz i-seroit demorroit au devant dit duc et à ses hoirs. 12 Et toutes cels choses si con \12me eles sont contenues es lettres lou duc que nos avons [...] cil Haymonins ai volu et otroi por lui et por ses hoirs. 13 Et ou tes\13moingnaige de ceste chose, par la requeste d'icelui Haymonin, nos avons mis noz seaus en cels presentes lettres. 14 Ce fu fait en l'an \14 de grace .M. et .CC. et cinquante et quatre, ou mois de juing.

Notes de fiche
^[a] (XIV^e s.)
^[b] (XIV^e s.)