Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr021a

février 1252 (n.st.)

Type de document: charte: accord

Objet: Accord conclu entre Jean de Til-Châtel et l'abbé et le couvent de Saint-Etienne deDijon par lequel, en échange de 160 livres estevenantes, Jean renonce à son droit degîte sur les hommes d'Is dépendant du prieuré Saint Florent de Tîl-Chatel, dépendantde Saint Etienne. Jean de Tîl-Chatel accorde en outre l'amortissement de deuxdonations de terre et afferme un four au prieuré.

Auteur: Jean, seigneur de Tîl-Chatel

Sceau: Jean, seigneur de Tîl-Chatel;seigneur Poinz, abbé de Bese au nom de Marie, épouse deJean.

Bénéficiaire: couvent de Saint-Etienne

Autres Acteurs: Jean, seigneur de Tîl-Chatel; Marie, son épouse; Pierre, doyen de laSainte-Chapelle; Aubri, doyen de la chrétienté de Dijon; seigneur Poinz, abbé deBese et couvent de Saint-Etienne de Dijon.

Support: Vidimus délivré par Pierre, doyen de la Sainte Chapelle, et Aubri, doyen de lachrétienté de Dijon, en date d'août 1269. - Parchemin jadis scellé de deux sceauxsur double queue;

Lieu de conservation: AD CO 42 H 772

1 Nos, Pierres, deiens de la Chapele lou Duc, et maistres Aubriz, deiens de la cresienté de Dijon, 2 façons savoir à-touz \2 cels qui verront cels presentes lettres 3 que nos unes lettres ci desouz contenues, saalees dou seal mon seignor Jehan, seignor \3 de Trichasteal, et dou seal mon seignor Poin, abbé de Bese, 4 avons vehues et esgardees diligenment et lehues mot à mot, 5 qui \4 ne sont chancelees, mal mises ne cassees, des queles li tenors est tele: 6 Je, Jehans, sires de Trichasteal, 7 fais savoir à touz cels \5 presentes lettres 8 que, conme ge demandasse giste suis les homes de Iz de l'iglise Seint Estiene de Dijon apar\6tenanz au prioré Seint Florent de Trichastel, 9 ge celui giste quit à-touz jorz mais frainchement por moi et por mes hoirs \7 10 et otroi à-l'abbé et au couvant de Seint Estienne et au prioré de Seint Florent de Trichastel 11 que il lor devant diz homes d'Iz tieng\8nent en teles frainchises, en tele seingnories, en teles joustises et en teles manieres 12 come l'abés et li couvanz de Seint Be\9nigne de Dijon tienent les lor homes en cele meisme vile de Iz, 13 sauf ce que li dit home qui apartienent au prioré de Seint \10 Florent de Trichastel ne me doivent nule chose por giste ne autres por els. 14 Aprés, ge otroi l'achat que li yglise de Seint Estiene \11 et li priorez de Trichastel ont fait ou feront jusqu'à vint fauz de pré en la praerie de Cepoy 15 et reconois que cil achaz est fait par \12 [ma] ^[1] volenté. 16 Aprés, ge ai amoisené à l'yglise Seint Estiene et au prioré desus nomez lou four 17 qui est devant lou donjon de\13[vant] ^[2] la maison Jehan dou Fossé à-touz jorz mais, 18 por dis livres d'estevenans à randre chascun an touz jorz mais 19 à moi et à mes \14 hoirs l-andemain de Nativité Nostre Seignor; 20 et celui four il pueent abatre dou tout et refaire toutes les foiz que il lor plaira ou \15 tenir avec lou lor; 21 ne autre four ge en mi hoir ne poons faire ou chastel 22 et fors celui que ge ai en ma maison, ou quel four de ma maison ge en mi hoir ne devons soffrir que nus cuie fors que por \16 nos et por noz propres maisniees. 23 Aprés, ge otroi et lo la vandue et l'aumosne que Miloz de Bere, damoiseaus, a fait à Seint Estiene de \17 Dijon de quant que il avoit ou disme de Gemeaus, 24 et lor otroi que il puissent conquerre et tenir frainchement lou trait que mi home \18 ont ou disme de Gemeaus. 25 Toutes cels choses ge otroi et confermai à touz jorz mais, por moi et por mes hoirs, 26 et promet à bone \19 foi que jamais n'ira encontre ne ne souffrerai que autres i-aut. 27 Et por toutes cels choses, l'abés de Seint Estiene m'ai doné huit vinz \20 livres d'estevenans de que ge me tieng por paiez en deniers contanz. 28 Et ge, Marie, fanme au devant dit Jehan, seignor de Tri\21chastel, 29 lo et voil et outroi toutes cels choses si conme eles sont devisees desus, 30 et promet à bone foi que jamais n'ira encontre ne ne sof\22ferrai que autres i-aut. 31 Ou tesmoingnaige de toutes cels choses, ge, Jehanz, sires de Trichastel, ai mis mon seal en cels presentes lettres. \23 32 Et ge, Marie desus nomee por ce que ge n'ai seal, ai prié et requis à henorable et religiox baron mon seignor Poinz, abbé de Bese, \24 que por moi mette son seal en tesmoingnaige en cels presentes lettres. 33 Ce est fait en l'an de grace .M. et .CC. et cinquante un, ou \25 mois de fevrier.

Notes de transcription
^[1] Lignes 12 et 13 déchirées au bord gauche.
^[2] Lignes 12 et 13 déchirées au bord gauche.