Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr019

1251

Type de document: charte: donation

Objet: Donation par Floret, dame d'Antigny, au duc Hugues IV, de Volnay, Montmain et de cequ'elle tenait de feu Philippe son père à Beaune, avec l'accord de Philippe deMontaigu, seigneur d'Antigny et Gergy, mari de Floret.

Auteur: Floret, dame d'Antigny

Sceau: Floret, dame d'Antigny; Philippe de Montaigu, seigneur d'Antigny, mari de Floret

Bénéficiaire: Hugues IV, duc de Bourgogne

Autres Acteurs: Hugues IV, duc de Bourgogne; Floret, dame d'Antigny; Philippe de Montaigu, seigneurd'Antigny, mari de Floret; Gergy

Support: Parchemin scellé de deux sceaux sur double queue (Coulon, n^o 171 et374).

Lieu de conservation: AD CO B 523

Édition antérieure: Publié par D. Plancher, t. II, p. XVIII, § XLIV; Petit, t. 4 n^o2715.

Verso: De Volenay, de Mnmoien et de autres choses^[a]. - Lettres de l'aquestde Volenay et de Monmoien. Beaune ^[b].

1 Je, Florez, dame de Antigné, fame Phelipe de Montagu, sergnor ^[1] de Antigné et de Gergé, 2 fais savoir à toz ces qui ces letres verrunt 3 que je, por le loux et por l'asanremant dou dit \2 Phelipe mon mari, 4 a doné, quitié et outroié et delivré de ma propre bone velunté 5 au noble barun Hugun, duc de Burgoinen, mun segnor, et à ses hoirs, en parmainauble heritage à toz jors, \3 6 Volenay, Monamyen et ce que mes sires Phelipes de Antigné, mes peres, qui morz est, avoit et tenoit et devoit tenir et avoir à Beaune 7 et es finages et es apartinances des dites trois villes \4 8 en fiez, en jostises, en segnories, en homes, en rantes, en molins, en vignes, en terres, en prez, en pasquiers, en bois, en maisuns et en totes autres choses et en totes \5 autres valors et en totes autres yssues. 9 Et je, la devant dites Florez, a promis por mon sairemant 10 que je a fait corporemant que je, por moi ne por autru, des or en avant ne recla\6mera droiture ne raisun en ces choses, 11 et que je, por moi ne por autru, nen ira encontre cest don et ceste quitance 12 que je a faite le duc qui est de_sus ^[2] nommez et es siens por la velunté \7 au dit Phelipe, mun mari. 13 Et suis tenue sus moi et sus les moies choses garantir à toz jors le duc et es siens contre totes genz le devant dit don. 14 Et me suis desvestue des \8 choses totes devant nommees et en a le duc et les siens envestu et mis en corporel possession. 15 En tesmoignage de ces choses, por ce que eles soient fermes et estaubles à toz jors, \9 je a ballies ces letres le duc seelees de mun seel. 16 Et je, li devant diz Phelipes de Mont Agu, a volues, loees et outroies totes ces covenances et promis à garder et à tenir \10 en bone foi et senz aler encontre: et a mis mun seel en ces letres, en tesmoignage de verité, avec le seel la dite Floret ma famen. 17 Ce fu fait en l'an de Nostre \11 Segnor mil .CC. cinquante et un.

Notes de fiche
^[a] (XIV^e s.)
^[b] (XIV^es.)

Notes de transcription
^[1] sic.
^[2] ainsi coupé: desus.