Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr018

1251

Type de document: charte: donation

Objet: Donation par Floret, dame d'Antigny, au duc Hugues IV, de Volnay, Montmain et de cequ'elle tenait de feu Philippe son père à Beaune.

Auteur: Floret, dame d'Antigny

Sceau: Floret, dame d'Antigny

Bénéficiaire: Hugues IV, duc de Bourgogne

Autres Acteurs: Hugues IV, duc de Bourgogne; Floret, dame d'Antigny

Support: Parchemin scellé d'un sceau sur double queue (Coulon 171)

Lieu de conservation: AD CO B 523

Verso: De Volenai, de Monmo[i]en et de autres choses^[a].

1 Je, Florez, dame d'Antigné, qui fuis fille mum segnor Phelipe, segnor d'Antigné, 2 fais savoir à touz ces qui ces letres verrunt 3 que je, fors \2 de tote avoerie et de tote garde, et moie dame et en ma lige poesté, 4 a doné, quité, outroié et delivré de ma propre bone velunté 5 au noble barun \3 mun segnor Hugun, duc de Burgoinen, et à ses hoirs, em parmainauble heritage à toz jors, 6 Volenay, Monmayen et ce que li diz Phelipes \4 mes peres avoit et tenoit et devoit tenir et avoir à Beaune 7 et es finages et es apartinances de ces trois villes 8 en fiez, en justises, en seingnories, \5 en homes, en rantes, en molins, en vignes, en terres, en prez, en pasquiers, en bois, en maisuns 9 et en totes autres choses et en \6 totes autres valors et en totes autres yssues. 10 Et je, la devant dite Florez, a promis por mun sairemant 11 que je a fait corporemant que je, por moi \7 ne por autru, des or en avant ne reclamera droiture ne raisun en ces choses 12 et que je, ne por moi ne por autrui, contre cest don et contre ceste \8 quitance 13 que je a fait le duc et es siens à toz jors en heritage parmainauble des choses desus escrites nen ira en_contre ^[1] 14 Et me suis de \9 totes ces choses desvetues et en la le duc envestu et mis lui et les siens en corporel possession, 15 et les lor suis tenue de garantir \10 à toz jors sus moi et sus mes biens contre totes genz. 16 En tesmoignage de ceste chose, por ce que ele soit ferme et estauble à toz jors, \11 je à ces letres ballies le duc seelees de mon seel. 17 Ce fu fait en l'an Nostre Segnor mil .CC. cinquante et un.

Notes de fiche
^[a] (XIV^e s.)

Notes de transcription
^[1] ainsi coupé: encontre.