Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr017

1251

Type de document: charte: donation

Objet: Donation par Floret, dame d'Antigny, au duc Hugues IV, de Volnay, Montmain et de cequ'elle tenait de feu Philippe son père à Beaune.

Auteur: Alexandre, évêque de Chalon

Sceau: Alexandre, évêque de Chalon

Bénéficiaire: Hugues IV, duc de Bourgogne

Autres Acteurs: Floret, dame d'Antigny; Hugues IV, duc de Bourgogne; Alexandre, évêque deChalon

Support: Parchemin jadis scellé d'un sceau sur double queue dont il ne reste qu'un fragment(Coulon 933);

Lieu de conservation: AD CO B 523

Édition antérieure: Publié par Philipon, Les parlers...Bourgogne orientale, IV, I.

Verso: De Volenai, de Monmoien, de autres choses ^[a].- Du don de Voulenay, de Monmain, de certaineschoses a[...]^[b] ^[c].

1 Nos, Alixandres, por la grace de Deu avesques de Chalon 2 façons savoir à toz ces qui verront ces letres 3 que en nostre presance estaublie Floraz, dame \2 de Antigné, 4 que fu fille mon seignor Phelipe, seignor de Antigné, 5 la quele estoit soe dame et fors de tote avoerie et de tote garde et en sa lige \3 poesté 6 si cmme ale recoignut et dit por devant nos, 7 dona, quita, outroia et delivra au noble baron nostre cosin Hugon, duc de \4 Burgoigne, et à ses hoirs, 8 en permainauble herietaige à toz jors, Volennay, Monmayen 9 et ce que li diz Phelipes, sires de Antigné, ses peres, \5 avoit et tenoit et davoit tenir i ^[1] avoir à Beaune 10 et es finaiges et es apertenances de ces devant dites trois viles 11 en fiez, en justises, \6 en seignories, en homes, en rantes, en molins, en vignes, en terres, en prez, en pesquiers, en bois, en maisons 12 et en totes autres \7 choses et en totes autres valors et en totes autres issues. 13 Et promist çale Florez por son soirement que ale fist devant nos corporement \8 14 que ale, por li ne por autrui, dois or en avant ne reclamera droiture ne raison en ces choses devant dites 15 et que ale contre lou don, la qui\9tance, le outroi et la delivrance que ale a fait au devant dit duc et es siens en herietaige permainauble à toz jors 16 si com il est desus \10 devisé nen ira encontre por li ne por autrui ^[2]. 17 Et s'est desvestue des devant dites choses por devant nos 18 et en a envesti lou devant \11 dit duc et les siens 19 et mis en corpore possession, 20 et les a promises garantir lou duc et es siens à toz jors contre totes genz \12 sus soi et sus totes les sues choses. 21 Et en-tesnoignage de ces choses et por ce que çou soit ferme chose et estauble à toz \13 jors, à la requeste i ^[3] à la priere de la devant dite Floret, nos avons baillies au devant dit duc ces presantes letres seelees 22 de nostre seel. 23 Ce fu fait en l'an de l'Incarnation Nostre Seignor mil .CC. cinquante et un.

Notes de fiche
^[a] (XIV^e s.)
^[b] effacé.
^[c] (XIV^e s.)

Notes de transcription
^[1] sic.
^[2] uicorrigé sur i.
^[3] sic.