Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr012

février 1251 (n.st.)

Type de document: charte: accord sur une succession

Objet: Accord sur la succession de Philippe d'Antigny passé entre ses neveux Hugues,seigneur de Pagny, et Henri, seigneur de Sainte-Croix d'une part, et le duc HuguesIV d'autre part, qui revendiquait l'échute en tant que seigneur du fief del'héritière /Floret/, fille de Philippe. Hugues et Henri laissent au duc ce quePhilippe avait à Volnay, Montmain, Beaune; en contrepartie le duc renonce au restede la succession.

Auteur: Hugues de Antigny, seigneur de Pagny, neveu de Philippe d'Antigny; Henri de Pagny,seigneur de Saint-Croix, neveu de Philippe d'Antigny et leurs frères

Sceau: Hugues de Antigny, seigneur de Pagny, neveu de Philippe d'Antigny; Henri de Pagny,seigneur de Saint-Croix, neveu de Philippe d'Antigny

Bénéficiaire: Hugues IV, duc de Bourgogne; Hugues de Antigny, seigneur de Pagny; Henri de Pagny,seigneur de Sainte-Croix et leurs frères

Autres Acteurs: Hugues IV, duc de Bourgogne; Hugues de Antigny, seigneur de Pagny; Henri de Pagny,seigneur de Sainte-Croix et leurs frères

Support: Parchemin jadis scellé de deux sceaux sur double queue; seul celui d'Henri, à droite,est conservé (Coulon, 173).

Lieu de conservation: AD CO B 523

Édition antérieure: Publié par Petit, t. 4, n^o 2688

Verso: De Volenai, de Monmoien et de autres choses^[a].

1 Je, Hugues de Antigné, sires de Paigné, et je, Henriz de Paigné, sires de Sainte Croiz, ses freres, 2 façons savoir à toz ces qui ces lettres verront \2 3 que, cum descorde fust sus les choses mon seignor Phelippe, seignor de Antigné, nostre oncle qui morz est, 4 les quex choses estoient et sont dou fyé lou duc \3 de Bergoigne nostre seignor por chief de la damoisalle 5 c'on disoit qui estoit fille celui Phelippe nostre oncle, 6 et les ques choses Hugues, dux de Bergoigne, entendoit que \4 celes choses qui de son fyé estoient li fussoient eschoites, 7 nos avons quitté et outroié denostre propre bone volunté au dit Hugon, duc de Bergoigne, et es ses \5 heoyrs parmaignaublement à tot jors 8 totes les choses que li diz Phelippes ou li suen avoient ou tenoient et devoient avoir ou pouoient, en queque \6 meniere ce fust, de par lou dit Ph., çai en ariers seignor de Antigné, à Vollenay, à Biaune et à Montmoyen et es apartenances, 9 c'est à-savoir \7 en forteresces, en villes, en fyez, en jostises, en homes, 10 en vignes, en terres, en prez, en boys, en molins, en aigues, en maysons, en soignories \8 et en gardes 11 et en totes autres hissues des dites trois villes et des appartenances. 12 Et de totes ces choses nos avons mis lou devant dit duc et ses heoirs \9 en vestaüre parmaignauble à tot jors. 13 Et por chief de ceste chose desus escripte et devisee, 14 il a quitté à nos et à nos heors pardurablement totes les \10 droitures que il ou sui heoir avoir en totes les autres choses celui Phelippe nostre oncle, en queque lui qu'ales fussoient, 15 saul ses \11 fyez et ses servises. 16 Ne nos ne nostre heoir ne pouons dois or en avant rien demander ne requerir es dites choses, 17 ne aler contre la dite quitan\12ce que nos avons faite lou duc et es ses hoyrs, 18 ne par nos ne par autrui, par lou sairement que nos avons fait sus ces choses. 19 Ou tesmoinnaige de ces choses, \13 nos avons ces lettres baillies et delivrees au devant dit duc de Bergoigne, saalees de nos soyax. 20 Ce fu fait en l'an de l'Encarnation \14 Nostre Seignor mil et dox cenz et cinquante, ou moys de fevrer.

Notes de fiche
^[a] (XIII^e s.)