Téléchargement du document

Documents linguistiques galloromans
Corpus : chartes de la Côte d'Or (chCOr)
Responsable du corpus : -
Édition de la charte : -

chCOr010

octobre 1250

Type de document: charte: sentence d'arbitrage

Objet: Sentence d'arbitrage rendue par Aalis, mère du duc, et Hervé de Nuits, représentantdu duc Hugues IV, sur le conflit opposant l'abbaye de Saint Etienne de Dijon et Huotde Quetigny, l'abbé contestant la construction d'une fortification faite parcelui-ci. La situation restera en l'état jusqu'au retour du duc /de croisade/ oul'avénement de son successeur, qui jugera du maintien ou de la destruction del'édifice.

Auteur: Aalis, mère du duc Hugues IV; Hervé de Nuits, représentant du duc Hugues IV

Sceau: Aalis, mère du duc Hugues IV; Hervé de Nuits, représentant du duc Hugues IV

Bénéficiaire: abbaye de Saint Etienne de Dijon; Huot de Quetigny

Autres Acteurs: Aalis, mère du duc Hugues IV; Hervé de Nuits, représentant du duc Hugues IV; abbayede Saint Etienne de Dijon; Huot de Quetigny; Hugues IV, duc de Bourgogne?

Support: Parchemin jadis scellé de deux sceaux sur double queue;

Lieu de conservation: AD CO G 380

Édition antérieure: - Publié par Bloc, n^o4, p. 10

1 Ge, Alays, duchesse, mere lou-duc de Borgoingne, et ge, Arviers de Nuiz, chevaliex et conman \2demanz lou-duc devant-dit, 2 façons savoir à touz cels qui verront cels presentes letres 3 que, conme des\3corde fust entre l'abé et lou couvent de Saint Estienne de Dijon, d'une part 4 sur un cheffaut que cil Huoz avoit levé à Cuntigné et sur un pont \4 leveiz et sur lou fossé que cil Huoz façoiz ^[1] iqui meismes, 5 desquex choses l'abés et li convent desus li no\5mé aloient encontre 6 et disoient que il ne les i-pooit ne devoit faire, 7 en la fin les parties se \6 mistrent de-cels choses sur nos par bone volenté. 8 Et nos par escort avons dit nostre dit 9 en tel meniere que nos voulons que li cheffauz et li ponz leveiz et li fossez soient en-souffrance, 10 en \7 tel estat conme il sont au jor que li mise fu faite, 11 sauf ce que il puet lou cheffaut clorre et covrir \8 sanz plus autrement efforcier 12 et issi celui cheffaut et lou pont et lou fossé maintenir, 13 et puet \9 encor cil Huoz clorre sa maison de soif sanz cheviller; 14 en-tel maniere remainent issi cels cho\10ses jusque à la-venue lou duc. 15 Et se, quant li-dux sera venuz ou se il ne revenoit-qu'i n'aviegne-, \11 l'abés et li-couvenz requeroient lor droit de-cels choses desus nomees, 16 et li dux ou ses oirs qui seroit \12 dux se il ne revenoit-dont Dex lou-gart-veoient par droit 17 selonc les raisons et les chartres \13 l'abé et lou couvent desus nomez 18 que les choses desus nomees doient estre abatues, l'an les a\14batrai adonc. 19 Et se li corz lou duc meismes voit que les choses devant dites i-doient remanoir \15 et que cil Huoz les i-doie avoir et plus faire, 20 il les i-avra et sa volenté i-fera dou plus. 21 Ces choses \16 sont faites et devisees par l'escort des parties, sauves les chartres et les privileges et les raisons \17 des parties. 22 Et que eles soient estables, nos avons mis en cels presentes lettres noz seaus. 23 Ce est \18 fait en l'an de l'Incarnation Nostre Segnor .M.CC. et cinquante, ou mois d'outouvre.

Notes de transcription
^[1] Sic.