Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0276

1264, septembre. - Douai.

Type de document: charte: arrentement

Objet: Arrentement d'un ténement et d'une pièce de terre au Canteleu par Jean de Guesnain et son frère Ernoul de Guesnain à Ermengarde de Saint-Jacques moyennant une rente foncière de 9 chapons et 9 s. douis. et une rente héritière de 5 marcs et 1 fierton dont il est possible de racheter 1 marc et demi suivant certaines modalités.

Auteur: non annoncé, échevins de Douai.

Disposant: Jean de Guesnain, Ernoul de Guesnain, son frère.

Sceau: non scellé; devise chirographaire: CY-RO-GRA-PHUM

Bénéficiaire: Ermengarde de Saint-Jacques.

Autres Acteurs: échevins de Douai: Bernard Pilate, Gérard du Markiet, Simon Malet.

Support: Original parchemin chirographe superposé tripartite - partie médiane.

Lieu de conservation: AM Douai, FF 660/5835.

Verso: C'est demisiele Ermengart de Saint Jakeme, ki fille fu mon signeur Joifroit,et maistre Jehan de Ghesnainet Ernol-sen frere.

1 Sacent tout cil ki-sunt et ki a-venir sunt ke 2 maistre Jehans de Ghesnaing et Ernols \2 de Ghesnaing, ses freres, ont dounet a-hiretage a Ermengart de Saint Jakeme, ki fille fu \3 mon signeur Joifroit ki prestres curés fu de Saint Jakeme, tout leur tennement ki siet \4 a-Canteleu, liquels fu Sohier le Maieur, et une piece de-tiere ausi que Baude d'Estrees acata, \5 ki est as aises dou gardin; et tout cest tennement devant dit, ensi coume il siet, wuis et \6 hiebreghiés devant et derriere, li ont il douné a .IX. capons, a .IX. s. de douissiens cascun \7 an de rente dou fons de le tiere et por .V. mars et .I. fierton d'iretage d'autre part. Et s'est \8 a-savoir ke Ermengars devant dite en doit racater demi marc d'iretage des .V. mars et \9 .I. fierton devant dis de .VII. lb. de par. dedens le Saint Jehan Baptiste prochainne que nous \10 atendons; et s'il avenoit qu'ele en volsist encore racater .I. marc ou ciunc fiertons avoec \11 le demi marc devant dit, racater le poroit au fuer et a le maniere del demi marc devant dit; \12 et a-le mesure k'ele les racateroit, kieroit li rente devant dite al-avenant de chou qu'ele \13 en racateroit, preuc que ele le racatast dedens cascunne Saint Jehan. Et tout ensi con \14 chi deseure est dit, ont en-couvent maistre Jehans de Ghesnaing et Ernols, ses freres, \15 a-aquiter tout le tennement devant dit dusques al-dit des eskevins a Ermengart devant \16 noumee. 3 Tout chou fu fait en le hale par devant eskevins Biernart Pilate, Gerart dou \17 Markiet et Simon Malet, en l'an del-Incarnation .M.CC. et. LXIIII., el mois de sie\18tembre.