Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0274

1264, septembre. - Douai.

Type de document: charte: vente

Objet: Vente d'une maison devant Saint-Pierre par Agniès, veuve de Thibaut "Heket" à Jean de Courtrai moyennant 4 marcs de rente héritière dont un marc sera racheté par Jean.

Auteur: non annoncé, échevins de Douai.

Disposant: Agniès, veuve de Thibaut "Heket".

Sceau: non scellé; devise chirographaire: CIROGRAPHE

Bénéficiaire: Jean de Courtrai.

Autres Acteurs: échevins de Douai: Jacques Painmouillet, Simon Malet.

Support: Original parchemin chirographe superposé tripartite - partie médiane.

Lieu de conservation: AM Douai, FF 660/5833.

Verso: C'est wers et couvenence Jehan de Courtray.

1 Sacent tout cil-ki sunt et ki a venir sunt ke 2 Agniés, li feme Tiebaut Heket ki fu, a vendu a Jehan \2 de Courtray, le vies_warier, se maison et tout sen tenement entirement ki siet devant Saint Piere [en]\3tre ^[1] le maison Abraham le Vies_warier et le maison Adan Ortin, tout ensi ke cele maisons et tou[s] [li] ^[2] tenemens entirement celi Agniés siet, wis et hebergiés devant et derriere, a .IIII. mars de rente par an \4 sor toutes rentes; et tout ensi a cele Agniés celi sive maison et tout sen tenement entirement \5 devantdit werpi a celui Jehan et en-covent a-aquiter juskes au dit des eskievins. Et s'est a-savoir \6 ke Jehans devantdis doit et a en-covent a racater de ces .IIII. mars de rente devantdis .I. Marc de .XVI. lb. de \7 par. as termines et tout ensi com ci apriés est deviseit, c'est a-savoir dedens le Nativité Saint Jeh[an] ^[3] \8 Baptiste en l'an sissante et siet_isme, demi marc de .VIII. lb. de par. et dedens le Nativité Saint Jehan \9 Baptiste apriés en l'an sissante noef_isme, l'autre demi marc de .VIII. lb. de par; et quant cils mars sera \10 tous racateis, ensi com ci devant est deviseit, li maisons et tous li tenemens celui Jehan devant \11 dis doit demourer a celui Jehan hiretaulement a trois mars de rente par an sor toutes rentes; et tout \12 ensi li a cele Agniés en-covent a-aquiter juskes au dit des eskievins. 3 Ce fu fait en le hale par \13 devant eskievins Jakemon Pain moilliet et Simon Malet, en l'an del Incarnation Nostre Signeur mil .CC. LXIIII., el mois de septembre.

Notes de transcription
^[1] le parchemin est déchiré.
^[2] le parchemin est déchiré.
^[3] le parchemin est déchiré.